ସେବାୟତ ଖପ୍ପା, ରଥଯାତ୍ରାରେ ହୋଇପାରେ ବିଶୃଙ୍ଖଳା

<p>ପୁରୀ (ଓଡ଼ିଶା ରିପୋର୍ଟର): ଶ୍ରୀଜିଉଙ୍କ ନୀତି ବିଭ୍ରାଟ ପଛରେ ସେବାୟତ। କିଛି ସେବାୟତ ଓ ନିଯୋଗର ନାଁ ନେଇ ୧୬ ତାରିଖ ବିଶୃଙ୍ଖଳା ପାଇଁ ନୀତି ପ୍ରଶାସକଙ୍କ କାର୍ଯ୍ୟାନୁଷ୍ଠାନ ସୁପାରିଶ କରିବାକୁ ନେଇ ପୁଣି ଆରମ୍ଭ ହୋଇଛି ହଟଚମଟ। ବିଭ୍ରାଟ ପାଇଁ ପାଲଟା ଶ୍ରୀମନ୍ଦିର ପ୍ରଶାସନ ଓ ଜିଲ୍ଲାପାଳଙ୍କୁ ଦାୟୀ କରି ରିପୋର୍ଟକୁ ପ୍ରତ୍ୟାହାର ପାଇଁ ଦାବି କରିଛନ୍ତି ସେବାୟତ। ଏପରିକି ରିପୋର୍ଟ ପ୍ରତ୍ୟାହାର ନହେଲେ ରଥଯାତ୍ରାରେ ଆହୁରି ବିଶୃଙ୍ଖଳାର ଚେତାବନୀ ଦିଆଯାଇଛି।</p><p>ବିଶୃଙ୍ଖଳା ପଛରେ ଅଛନ୍ତି ଭିତରଛୁ ଭବାନୀ ମହାପାତ୍ର, ସୁଆର ମହାସୁଆର ନିଯୋଗର ଦାମୋଦର ମହାସୁଆର, ପୂଜା ପଣ୍ଡା ନିଯୋଗର ମାଧବ ପୂଜାପଣ୍ଡା। ଶ୍ରୀମନ୍ଦିର ନୀତି ପ୍ରଶାସକଙ୍କ ରିପୋର୍ଟ ଅନୁସାରେ ୧୬ ତାରିଖ ଶ୍ରୀଜିଉଙ୍କ ନୀତି ବିଭ୍ରାଟର ଏହି ତିନିଜଣ ମୂଳ। କାରଣ ହାଇକୋର୍ଟଙ୍କ ନିର୍ଦ୍ଦେଶ ଆଳରେ ମିଳିମିଶି ମହାପ୍ରଭୁଙ୍କ ନୀତି ଅଚଳ କରିଥିଲେ ସେବାୟତ। ଯେଉଁଥିରେ ମହାଜନ ଓ ପ୍ରଧାନୀ ନିଯୋଗ ମଧ୍ୟ ସାମିଲ ଥିଲେ। କଳିର ମଞ୍ଜି ସେବାୟତଙ୍କୁ ଗର୍ଭଗୃହ ପ୍ରବେଶ ଉପରେ କଟକଣା। ଆଉ ସେହି ଜିଦ୍ ପାଇଁ ସକାଳ ଧୂପ ସଞ୍ଜରେ ହେଲା। ଖାଡ଼ା ଉପାସରେ ଦିନଟିଏ ରହିଲେ କାଳିଆ ଠାକୁର। ନିନ୍ଦିତ ହେଲା ଶ୍ରୀକ୍ଷେତ୍ର। ବଦନାମ ହେଲା ସାରା ଓଡ଼ିଶା। ନୀତି ପ୍ରଶାସକଙ୍କ ରିପୋର୍ଟରେ ସିଧାସଳଖ ଏଭଳି ଶବ୍ଦ ନଥିଲେ ମଧ୍ୟ ବିଶୃଙ୍ଖଳାକାରୀ ଓ ନିଯୋଗଙ୍କ ନାଁ ନେଇ ସେମାନଙ୍କ ବିରୋଧରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ନିକଟରେ ଦୃଢ଼ କାର୍ଯ୍ୟାନୁଷ୍ଠାନର ସୁପାରିଶ&nbsp; କରାଯାଇଛି। ଯାହାକୁ ନେଇ ଖପ୍ପା ହୋଇଛନ୍ତି ସେବାୟତ।</p><p>&lt;a href=&quot;&quot;&gt;(image) &lt;/a&gt;ସେବାୟତ ଓ ମନ୍ଦିର ପ୍ରଶାସନର କଳିରେ ବାରମ୍ବାର ବଳିପଡୁଛି ଠାକୁରଙ୍କ ସେବା ଓ ଭକ୍ତର ଭାବାବେଗ। ହେଲେ ଏଠି ପ୍ରଶ୍ନ ଉଠୁଛି ୧୬ ତାରିଖ ବିଭ୍ରାଟରେ ବିଶୃଙ୍ଖଳାକାରୀଙ୍କ ବିରୋଧରେ ନୀତିପ୍ରଶାସକଙ୍କ ସୁପାରିଶ କାର୍ଯ୍ୟକାରୀ ହେବ ତ? ୪&nbsp; ଦିନ ଧରି ଶ୍ରୀକ୍ଷେତ୍ରରେ ଯେଉଁ ମହା ବିଭ୍ରାଟ ଦେଖାଦେଲା, ସେଥିରେ ପ୍ରଶାସନର ଭୂମିକା କଣ ଶତପ୍ରତିଶତ ଠିକ୍ ଥିଲା। ଏ କ୍ଷେତ୍ରରେ ରାଜ୍ୟ ସରକାରଙ୍କର କଣ କିଛି ଦାୟିତ୍ୱ ନାହିଁ? ଏ ସମ୍ପର୍କରେ ପୁରୀ ଜିଲ୍ଲାପାଳ କ୍ୟାମେରା ସାମ୍ନାରେ ପ୍ରତିକ୍ରିୟା ଦେବାକୁ ମନା କରିଥିବା ବେଳେ ଆଇନ୍&zwnj;ମନ୍ତ୍ରୀ ପ୍ରତାପ ଜେନା ମଧ୍ୟ କ୍ୟାମେରା ଦେଖି ଆଡ଼େଇ ଚାଲି ଯାଇଥିଲେ।</p><p>https://youtu.be/S1He9o7o1S8</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।