ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ହାଇଟେକ୍ ମେଡ଼ିକାଲ କଲେଜର ପିଛା ଛାଡୁନି ବିବାଦ। କେତେବେଳେ ଛାତ୍ରୀଙ୍କୁ ଦୁର୍ବ୍ୟବହାର ତ ଆଉ କେବେ ମାନସିକ ଚାପରେ ନର୍ସିଂ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ ଅଭିଯୋଗ। ଏସବୁ ବାଦବିବାଦ ଭିତରେ କ୍ୟାମ୍ପସ୍‌ରେ ପୁଣି ଜଣେ ଡାକ୍ତରୀ ଛାତ୍ରଙ୍କ ଜୀବନ ଯାଇଛି। ମୃତ ଡାକ୍ତରୀ ଛାତ୍ରଙ୍କ ନାଁ ନିହାର ରଞ୍ଜନ ରାଉତ। ସେ ଏମ୍‌ବିବିଏସ୍‌ ତୃତୀୟ ବର୍ଷର ଛାତ୍ର ବୋଲି ଜଣାପଡ଼ିଛି।</p> <p>ଗତ ରାତି ପ୍ରାୟ ସାଢେ ୯ଟାରେ ଗାଧୁଆ ଘରେ ଝୁଲନ୍ତା ଅବସ୍ଥାରେ ତାଙ୍କୁ ଉଦ୍ଧାର କରାଯାଇଥିଲା। ଏହାପରେ ମେଡିକାଲର ଆଇସିୟୁରେ ରଖାଯାଇଥିଲେ ହେଁ ତାଙ୍କର ମୃତ୍ୟୁ ଘଟିଥିଲା। ନିହାରଙ୍କ ପରିବାର ଲୋକେ ପୁଅର ମୃତ୍ୟୁ ପରେ ବି କୌଣସି ସୂଚନା ଦିଆଯାଇ ନଥିଲା ବୋଲି ଅଭିଯୋଗ କରିଛନ୍ତି। ତାଙ୍କ ପୁଅକୁ ହତ୍ୟା କରାଯାଇଥିବା ଅଭିଯୋଗ କରି ମଞ୍ଚେଶ୍ୱର ଥାନାରେ ଏତଲା ଦେଇଛନ୍ତି ପରିବାର ଲୋକେ। ୮ ଲକ୍ଷ ଟଙ୍କା ବକେୟା ଫି ଦାଖଲ ପାଇଁ ଚାପ ପ୍ରୟୋଗ କରାଯାଉଥିଲା ବୋଲି ମୃତ ନିହାରଙ୍କ ଭାଇ ଅଭିଯୋଗ କରିଛନ୍ତି।</p> <p>ଅନ୍ୟପକ୍ଷରେ କଲେଜ କର୍ତ୍ତୃପକ୍ଷ ଏହି ଅଭିଯୋଗକୁ ଖଣ୍ଡନ କରିଛନ୍ତି। ରେଜଲ୍ଟ ଖରାପ କରିଥିବାରୁ ଚାପରେ ନିହାର ଆତ୍ମହତ୍ୟା କରିଥାଇପାରନ୍ତି ବୋଲି କଲେଜ କର୍ତ୍ତୃପକ୍ଷ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
