ନୟାଗଡ଼(ଓଡ଼ିଶା ରିପୋର୍ଟର):ପୁଣି କଙ୍ଗାରୁ କୋର୍ଟ। ଚୋର ଧରିବା ପାଇଁ ରାତିଅଧରେ ବୁଲିଲା ଖଟ। ନୟାଗଡ ସଦର ଥାନା ଉଦୟପୁର ଗାଁର ଦେଖିବାକୁ ମିଳିଛି ଏଭଳି ଘଟଣା। ଏହି ଗାଁର ଜଣେ ମହିଳା ନିଜ ଦିଅର ଘରୁ ସୁନା ଗହଣା ଚୋରି ଅଭିଯୋଗରେ ଗ୍ରାମସଭା କରାଯାଇଥିଲା। ଗ୍ରାମସଭା କରାଯାଇ ଚୋର ଧରିବା ପାଇଁ ଗାଁରେ ଖଟ ବୁଲାଇବାକୁ ନିଷ୍ପତ୍ତି ହୋଇଥିଲା।
ସେହି ଅନୁଯାୟୀ, ଗତ ୧୮ ଓ ୧୯ତାରିଖରେ ଦୁଇ ଦିନ ଖଟ ବୁଲାଇ ଚୋର ଧରି ପାରିନଥିଲା ତାନ୍ତ୍ରିକ। ଗତକାଲି ପୁଣି ଖଟ ବୁଲାଇବା ପରେ ମହିଳା ଜଣଙ୍କ ଘରେ ଖଟ ଲାଗିଥିବା ଏବଂ ତାଙ୍କ ଘର ଲୋକ ଚୋରି କରିଥିବା ନେଇ ଅଭିଯୋଗ ଉଠାଇଥିଲେ ଗ୍ରାମବାସୀ।
ଏଥିପାଇଁ ଗତକାଲି ରାତିରେ କଙ୍ଗାରୁ କୋର୍ଟ ବସି ମହିଳାଙ୍କୁ ୧ ଲକ୍ଷ ୪୨ ହଜାର ଟଙ୍କା ଜରିମାନା ଦେବାକୁ କୁହାଯାଇଥିଲା ଟଙ୍କା ଦେଇନପାରିବାରୁ ମହିଳାଙ୍କୁ ମାଡ ମରାଯାଇଥିବା ନେଇ ଥାନାରେ ଅଭିଯୋଗ ହୋଇଛି ତେବେ ଏନେଇ ପୁଳିସର ପ୍ରତିକ୍ରିୟା ମିଳିପାରିନି ।