ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ,(ଓଡ଼ିଶା ରିପୋର୍ଟର): ଶ୍ରୀମନ୍ଦିରରେ ଉପାସରେ ନଥିଲେ ଶ୍ରୀଜିଉ । ଗଣମାଧ୍ୟମରେ ପ୍ରକାଶ ପାଇଥିବା ଏସଂପର୍କିତ ଖବର ଅମୂଳକ ବୋଲି ଆଜି ବିଧାନସଭାରେ କହିଛନ୍ତି ଆଇନ ମନ୍ତ୍ରୀ ପ୍ରତାପ ଜେନା । ତେବେ ଠାକୁରଙ୍କ ନୀତିରେ ବିଳମ୍ବ କଥାକୁ ସେ ସ୍ୱୀକାର କରିଛନ୍ତି। ହେଲେ ବିଜେଡି ସାଂସଦ ତଥାଗତ ଏନେଇ ଏକ ଟ୍ୱିଟ୍‌ କରିଛନ୍ତି। ମହାପ୍ରଭୁଙ୍କୁ ଖାଦ୍ୟରୁ ବଞ୍ଚିତ କରାଯାଇଥିବା ତଥାଗତ ନିଜ ଟ୍ୱିଟ୍‌ରେ ଲେଖିଛନ୍ତି। ଠାକୁରଙ୍କୁ ଅବହେଳା କରାଯାଉଛି। ଏହା ମୋ ପାଇଁ, ଆମ ସମସ୍ତଙ୍କ ପାଇଁ ଲଜ୍ଜାର ବିଷୟ ବୋଲି ତଥାଗତ କହିଛନ୍ତି। ହେଲେ ବିଜେଡିର ଏହି ଦୁଇ ନେତାଙ୍କ ମନ୍ତବ୍ୟକୁ ନେଇ କିଏ ସତ କହୁଛି ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା।</p> <p>ଗତ ୧୬ ତାରିଖରେ ଶ୍ରୀମନ୍ଦିର ଜଗମୋହନ ଖୋଲିବା ପରେ ଗର୍ଭଗୃହକୁ ସେବାୟତଙ୍କ ପ୍ରବେଶ କଟକଣା ନେଇ ହାଇକୋର୍ଟଙ୍କ ନିର୍ଦ୍ଦେଶ କାର୍ଯ୍ୟକାରୀ ହୋଇଥିଲା । ତେବେ ଦୁଇ ବର୍ଷ ପରେ ଜଗମୋହନ ଖୋଲିଥିବାରୁ ସେଦିନ ନୀତିରେ ବିଳମ୍ବ ଘଟିଥିଲା । ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ, ସେବାୟତ ଓ ବରିଷ୍ଠ ଅଧିକାରୀମାନେ ଆଲୋଚନା କରି ନୀତି ସୁପରିଚାଳନା ପାଇଁ ପଦକ୍ଷେପ ନେଇଥିଲେ ବୋଲି ଆଇନମନ୍ତ୍ରୀ କହିଛନ୍ତି। ସେହିଭଳି ସୁଆର ସେବାୟତଙ୍କ ଅସହଯୋଗରୁ ମହାପ୍ରସାଦ ପ୍ରସ୍ତୁତ ହୋଇପାରୁ ନ ଥିବାରୁ ଏସମ୍ପର୍କରେ ପ୍ରଶାସନ ଓ ସଂପୃକ୍ତ ସେବାୟତ ନିଯୋଗ ମଧ୍ୟରେ ଆଲୋଚନା ଚାଲିଛି ଓ ବିବାଦର ସମାଧାନ ପାଇଁ ଚେଷ୍ଟା କରାଯାଉଥିବା ସେ କହିଛନ୍ତି। ଶ୍ରୀଜିଉଙ୍କ ନୀତିରେ ବିଭ୍ରାଟକୁ ନେଇ ଆଜି ବିଧାନସଭା ବାରମ୍ବାର ମୁଲତବୀ ହୋଇଥିଲା ।</p> <p>https://youtu.be/JWWHJhzJmHA</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
