ଜଙ୍ଗଲ ଭିତରେ ଚାଲିଛି ହାତୀର ଚିକିତ୍ସା

ଆଠଗଡ଼ (ଓଡ଼ିଶା ରିପୋର୍ଟର): କଟକ ଜିଲ୍ଲା ନରସିଂହପୁର ଜଙ୍ଗଲ ଭିତରେ ଚାଲିଛି ଗୁଳିବିଦ୍ଧ ହାତୀର ଚିକିତ୍ସା। ଡାକ୍ତର ଟିମ୍‌ ହାତୀର ସ୍ୱାସ୍ଥ୍ୟ ଉପରେ ନଜର ରଖିଛନ୍ତି। ଅନ୍ୟପକ୍ଷରେ ଆଜି ହାତୀର ଚିକିତ୍ସା ବ୍ୟବସ୍ଥା ଅନୁଧ୍ୟାନ କରିଛନ୍ତି PCCF ଶଶି ପଲ୍‌। ହାତୀ ଦେହରେ ଥିବା କ୍ଷତ ୧୫ ଦିନ ତଳର ହୋଇଥିବା ଡାକ୍ତର ଟିମ୍‌ କହିଛନ୍ତି। ହାତୀ ଦେହରେ ୫/୬ଟି ଛର୍‌ରା ବାଜିଛି। ଗୋଡ଼ରେ ସେଫ୍‌ଟିସେମିଆ ହୋଇଛି। ଶୁଣ୍ଢରେ ୧, ଆଗ ଗୋଡ଼ରେ ୨, କାନ୍ଧ, କାନ […]

Elephant

Elephant

Manoranjan Sial
  • Published: Wednesday, 08 June 2022
  • Updated: 08 June 2022, 06:02 PM IST

Sports

Latest News

ଆଠଗଡ଼ (ଓଡ଼ିଶା ରିପୋର୍ଟର): କଟକ ଜିଲ୍ଲା ନରସିଂହପୁର ଜଙ୍ଗଲ ଭିତରେ ଚାଲିଛି ଗୁଳିବିଦ୍ଧ ହାତୀର ଚିକିତ୍ସା। ଡାକ୍ତର ଟିମ୍‌ ହାତୀର ସ୍ୱାସ୍ଥ୍ୟ ଉପରେ ନଜର ରଖିଛନ୍ତି। ଅନ୍ୟପକ୍ଷରେ ଆଜି ହାତୀର ଚିକିତ୍ସା ବ୍ୟବସ୍ଥା ଅନୁଧ୍ୟାନ କରିଛନ୍ତି PCCF ଶଶି ପଲ୍‌।

ହାତୀ ଦେହରେ ଥିବା କ୍ଷତ ୧୫ ଦିନ ତଳର ହୋଇଥିବା ଡାକ୍ତର ଟିମ୍‌ କହିଛନ୍ତି। ହାତୀ ଦେହରେ ୫/୬ଟି ଛର୍‌ରା ବାଜିଛି। ଗୋଡ଼ରେ ସେଫ୍‌ଟିସେମିଆ ହୋଇଛି। ଶୁଣ୍ଢରେ ୧, ଆଗ ଗୋଡ଼ରେ ୨, କାନ୍ଧ, କାନ ଓ ପେଟରେ ବାଜିଛି ଛର୍‌ରା। ହାତୀ କବଳରୁ ବର୍ତ୍ତିବାକୁ କେହି ଦେଶୀ ବନ୍ଧୁକରୁ ଗୁଳି କରିଥିବା PCCF କହିଛନ୍ତି। ଘଟଣାର ତଦନ୍ତ ଚାଲିଛି। ଯିଏ ଦାୟୀ ନିଶ୍ଚିତ କାର୍ଯ୍ୟାନୁଷ୍ଠାନ ହେବ। ବର୍ତ୍ତମାନ ହାତୀର ଚିକିତ୍ସା ଜାରି ରହିଛି। କିଛି ଦିନରେ ସୁସ୍ଥ ହୋଇଯିବ ବୋଲି ଆଶା କରାଯାଉଛି ବୋଲି PCCF କହିଛନ୍ତି।

ଶିକାରୀ ଗୁଳିରେ ଗୁରୁତର ଆହତ ହୋଇ ଗୋଟିଏ ଦନ୍ତାହାତୀ ଆଠଗଡ ବନଖଣ୍ଡ ଅନ୍ତର୍ଗତ ନରସିଂହପୁର ପୂର୍ବ ବନାଞ୍ଚଳ ଜୟପୁର ସେକ୍‌ସନରେ ଘୂରି ବୁଲୁଥିଲା। ଯନ୍ତ୍ରଣା ହେଉଥିବାରୁ ଜଙ୍ଗଲ ଭିତରେ ଗର୍ଜନତର୍ଜନ କରୁଥିଲା। ପରେ ହାତୀଟି କଟକ-ନରସିଂହପୁର ଜଙ୍ଗଲ ଭିତରେ ନାଳରେ ପଡ଼ି ଯାଇଥିଲା। ହେଲେ ସେହି ନାଳରୁ ଉଠିପାରି ନଥିଲା। ସେଠାରେ ଗର୍ଜନ କରି ଛାଟିପିଟି ହେଉଥିଲା। ୫ରୁ ୬ ଦିନ ତଳେ ତା’ ଦେହରେ ଗୁଳି ବାଜିଥିବାରୁ ସେଠାରୁ ପୋକ ବାହାରୁଥିବା ଆଲୋଚନା ହେଉଛି। ହେଲେ ବନ ବିଭାଗ ଏନେଇ କିଛି ସ୍ପଷ୍ଟ କରିନାହିଁ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos