ଜଳେଶ୍ୱର (ଅଜିତ୍ କୁମାର ଦାସ): ସମୁଦ୍ରରେ ଗାଧୋଇବା ବେଳେ ଭାସିଗଲେ ଦୁଇ ଜଣ ପର୍ଯ୍ୟଟକ। ଆଜି ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ରେ ଥିବା ସୁବର୍ଣ୍ଣପୁର ଦୀପ ତାଳସାରୀ ମୁହାଣରେ ଘଟିଛି ଏହି ଅଘଟଣ।
ଭାସି ଯାଇଥିବା ପର୍ଯ୍ୟଟକ ଦ୍ୱୟ ପଶ୍ଚିମବଙ୍ଗର। ସେମାନେ ଆଉ ତିନି ଜଣ ସାଙ୍ଗ ସହିତ ଆଜି ମଧ୍ୟାହ୍ନରେ ସମୁଦ୍ରରେ ଗାଧୋଇବାକୁ ଯାଇଥିଲା। ଗାଧୋଉ ଥିବା ବେଳେ ସେମାନେ ଦୁଇ ଜଣ ଗଭୀର ପାଣିରେ ଭାସି ଯାଇଥିଲେ।
ଖବର ପାଇ ମେରାଇନ ଥାନା ପୁଲିସ୍ ଓ ଅଗ୍ନିଶମ ବିଭାଗ କର୍ମଚାରୀ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ମାତ୍ର ଖବର ଲେଖାଯିବା ସୁଦ୍ଧା କାହାକୁ ଉଦ୍ଧାର କରାଯାଇ ନଥିବା ଜଣାପଡ଼ିଛି।