ବଲାଙ୍ଗିର (ଘଟେଶ୍ୱର ମିଶ୍ର): ଚାଷ କାମ କରୁଥିବା ସମୟରେ ବଜ୍ରାଘାତରେ ଟଳି ପଡ଼ିଲେ ଦୁଇ ଜଣ ମହିଳା। ଏହି ଦୁଃଖଦ ଘଟଣା ଘଟିଛି ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ବୁଡ଼ାବାହାଲ ଗାଁରେ।
ମୃତ ମହିଳା ଦ୍ୱୟ ହେଲେ ଗାଁର ଲକ୍ଷ୍ମୀ ଖମାରୀ ଓ ଅସଲି ଚନ୍ଦନ। ଦୁହେଁ ଆଜି ଦିନ ପ୍ରାୟ ୨ଟା ବେଳେ ଜମିରେ କାମ କରୁଥିବା ବେଳେ ଘଡ଼ଘଡ଼ି ମାରିବା ସହ ବର୍ଷା ହୋଇଥିଲା। ଏହା ପରେ ଦୁଇ ଜଣଙ୍କ ଉପରେ ହୋଇଥିଲା ବଜ୍ରାଘାତ। ଉଭୟଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା।
ଲକ୍ଷ୍ମୀ ଓ ଅସଲିଙ୍କୁ ପରିବାର ଲୋକେ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସପିଟାଲକୁ ଆଣିଥିଲେ। ତେବେ ହସପିଟାଲରେ ପହଞ୍ଚିଲା ବେଳକୁ ସେମାନଙ୍କର ମୃତ୍ୟୁ ହୋଇସାରିଥିଲା ବୋଲି ଡାକ୍ତର ଘୋଷଣା କରିଥିଲେ।
ବ୍ୟବଚ୍ଛେଦ ପରେ ସେମାନଙ୍କ ପରିବାର ଲୋକଙ୍କୁ ମୃତଦେହ ଦିଆଯିବ। ଉଭୟ ମୃତକଙ୍କ ପରିବାର ଲୋକଙ୍କୁ ସରକାରୀ ସାହାଯ୍ୟ ଯୋଗେଇ ଦେବାକୁ ଦାବି କରିଛନ୍ତି ଗାଁ ଲୋକେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
