ସେବାୟତ ବେଶରେ ଶ୍ରୀଗୁଣ୍ଡିଚା ମନ୍ଦିର ଭିତରରେ ପଶି ୨ ଯୁବକ ଗିରଫ

ପୁରୀ (ଓଡ଼ିଶା ରିପୋର୍ଟର): ଶ୍ରୀଗୁଣ୍ଡିଚା ମନ୍ଦିରରେ ମଙ୍ଗଳଆଳତୀ ସମୟରେ ଭିତରକୁ ସେବାୟତ ବେଶରେ ପଶି ଗିରଫ ହୋଇଛନ୍ତି ୨ ଯୁବକ। ଶ୍ରୀମନ୍ଦିର ସୁରକ୍ଷା ଅଧିକାରୀ ସେମାନଙ୍କୁ ଧରି କୁମ୍ଭାରପଡ଼ା ପୁଲିସ ଜିମା ଦେଇଛନ୍ତି। ଦୁଇ ଅଣସେବାୟତ ପୁରୀ କୁମ୍ଭାରପଡାର ଅଭିଜିତ ମହାପାତ୍ର ଓ ମାର୍କଣ୍ଡେଶ୍ୱର ସାହିର ସ୍ମୃତିରଞ୍ଜନ ମହାନ୍ତି ବୋଲି ଜଣାପଡିଛି।

ଉଭୟଙ୍କ ନାଁରେ କୁମ୍ଭାରପଡା ପୁଲିସ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି। ସେମାନଙ୍କ ବିରୋଧରେ ଆଇପିସି ଧାରା ୪୧୯, ୪୨୦ ସହ ବିପର୍ଯ୍ୟୟ ପରିଚାଳନା ଧାରା ୫୧ ଓ ସଂକ୍ରାମକ ରୋଗ ନିରୋଧ ଆଇନ ଧାରା ୩ ଅନୁଯାୟୀ ମାମଲା ରୁଜୁ ହୋଇଛି।

ଏହାସହ ମଧ୍ୟାହ୍ନରେ ଜଣେ ସେବାୟତଙ୍କ ଯୋଗାଣିଆ ନକଲି ପରିଚୟପତ୍ର ଧରି ଗୁଣ୍ଡିଚା ମନ୍ଦିର ଭିତରକୁ ପଶିବାକୁ ଉଦ୍ୟମ କରିଥିଲେ। ହେଲେ ତାଙ୍କୁ ପୁଲିସ୍ ମୁଖ୍ୟ ଗେଟ୍ ପାଖରୁ ବିଦା କରିଦେଇଛି। ଯେଉଁ ସେବାୟତ କିମ୍ବା ଅଧିକାରୀ ବାହାର ଲୋକଙ୍କୁ ମନ୍ଦିର ଭିତରକୁ ନେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ଦଇତାପତି ନିଯୋଗ ସମ୍ପାଦକ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।