କେନ୍ଦୁଝର(ପ୍ରଣୟ ପାଣି ):କେନ୍ଦୁଝରରେ ଚାଞ୍ଚଲ୍ୟ। ସଦରଥାନା ମୈଦାନକେଲ ବାସୁଦେବପୁର ଜଙ୍ଗଲରୁ ଜଣେ ଯୁବତୀଙ୍କ ଅର୍ଦ୍ଧନଗ୍ନ ମୁଣ୍ଡ ବିହୀନ ଗଳିତ ଶବ ଠାବ କରାଯାଇଛି। ସମ୍ପୃକ୍ତ ଯୁବତୀଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ସନ୍ଦେହ କରାଯାଉଛି। ଯାହାକୁ ନେଇ ଚର୍ଚ୍ଚାର ବିଷୟ ପାଲଟିଛି।
ମୃତ ଦେହଟିରେ ମୁଣ୍ଡ ନଥିବା ବେଳେ ଏହା ସମ୍ପୂର୍ଣ୍ଣ ପଚି ଯାଇଛି। ପାରିପାର୍ଶିକ ଅବସ୍ଥାରୁ ସମ୍ପୃକ୍ତ ଯୁବତୀଙ୍କୁ 4/5 ଦିନ ପୂର୍ବରୁ ହତ୍ୟା କରାଯାଇଥିବା ଅନୁମାନ କରାଯାଉଛି ।
ଆଜି ଅପରାହ୍ନରେ ସ୍ଥାନୀୟ ଲୋକେ ଏହା ଦେଖି ପୋଲିସ କୁ ଖବର ଦେଇଥିଲେ। ତେବେ ଅନ୍ୟ କୌଣସି ସ୍ଥାନରେ ଦୁଷ୍କର୍ମ ପରେ ହତ୍ୟା କରାଯାଇ ମୃତ ଦେହକୁ ଜଙ୍ଗଲରେ ଫୋପାଡ଼ି ଦିଆଯାଇଥିବା ଅନୁମାନ କରାଯାଉଛି। ପୁଲିସ ଘଟଣାର ତଦନ୍ତ କରୁଛି। ତେବେ ଯୁବତୀଙ୍କ ପରିଚୟ ମିଳିପାରି ନାହିଁ କିମ୍ବା କୌଣସି ସମ୍ପର୍କୀୟ ପହଞ୍ଚି ନାହାନ୍ତି।