ବାରିପଦା(ମାଣିକ ଲାଲ ପାଣି): ନିଆଁରେ ପୋଡ଼ି ହୋଇ ଜଣେ ନବବଧୂଙ୍କ ମୃତ୍ୟୁ ହୋଇଛି। ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବୈସିଙ୍ଗା ଥାନା ଅନ୍ତର୍ଗତ ବଗଲପୁର ଗାଁରେ। ୧୫ଦିନ ତଳେ ନବବଧୂ ଜଣକ ବାହା ହୋଇ ନିଜ ବାପଘରକୁ ଯାଇଥିଲେ। ତେବେ ସେ ତିନି ଦିନ ତଳେ ଶ୍ୱଶୁର ଘରକୁ ଫେରିଥିଲେ। ଗତକାଲି ସଂଧ୍ୟାରେ ସେ ଘରେ ରୋଷେଇ କରୁଥିବାବେଳେ ତାଙ୍କ ଦେହରେ ନିଆଁ ଲାଗିଯାଇଥିବା ତାଙ୍କ ପରିବାର ପକ୍ଷରୁ କୁହାଯାଇଛି।
ଘରେ କେହି ନଥିବାବେଳେ ନିଆଁ ଲାଗିଯିବାରୁ ନବବଧୂ ଜଣକ ବାହାରକୁ ଚାଲି ଆସି ଚିତ୍କାର କରିଥିଲେ। ପାଖ ବାଡ଼ିରେ କାମ କରୁଥିବା ତାଙ୍କ ସ୍ୱାମୀ ଚିତ୍କାର ଶୁଣି ତାଙ୍କୁ ଆସି ବଞ୍ଚାଇବାକୁ ଚେଷ୍ଟା କରିଥିଲେ। ତା’ପରେ ତାଙ୍କୁ ଉଦ୍ଧାର କରି ସଙ୍ଗେ ସଙ୍ଗେ ବାରିପଦା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି।
ଏହି ଘଟଣାରେ ଝିଅର ଶ୍ୱଶୁର ଘର କିମ୍ବା ଝିଅର ବାପଘର ପକ୍ଷରୁ କୌଣସି ଅଭିଯୋଗ କରାଯାଇନାହିଁ। ପୋଲିସ୍ ଘଟଣାର ତଦନ୍ତ କରୁଥିବା ବେଳେ ଶବ ବ୍ୟବଚ୍ଛେଦ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
