ବାଇକ୍‌ରେ ବସି ‘୯୯ ମହାବାତ୍ୟା’ ପ୍ରଭାବିତ ଅଞ୍ଚଳ ବୁଲିଥିଲେ ପ୍ରଣବ

ଭୁବନେଶ୍ୱର (ଓଡ଼ିଶା ରିପୋର୍ଟର): ପୂର୍ବତନ ରାଷ୍ଟ୍ରପତି ତଥା ଭାରତରତ୍ନ ପ୍ରଣବ ମୁଖାର୍ଜୀଙ୍କର ଗତକାଲି ପରଲୋକ ହୋଇଯାଇଛି। ଆଜି ତାଙ୍କର ଶେଷକୃତ୍ୟ ସଂପନ୍ନ ହେବ। ସାଂସଦ ଥିବା ବେଳେ ହେଉ କି ରାଷ୍ଟ୍ରପତି ଥିବା ସମୟରେ ସ୍ୱର୍ଗତ ପ୍ରଣବ ମୁଖାର୍ଜୀଙ୍କର ଓଡ଼ିଶା ସହିତ ନିବିଡ଼ ସଂପର୍କ ଥିଲା କହିଲେ ଅତ୍ୟୁକ୍ତି ହେବ ନାହିଁ।

ରାଜନୈତିକ କାର୍ଯ୍ୟକ୍ରମରେ ସେ ଓଡ଼ିଶାକୁ ଅନେକ ଥର ଆସିଛନ୍ତି । ତେବେ ରାଷ୍ଟ୍ରପତି ଥିବା ବେଳେ ସେ ୪ ଥର ଓଡ଼ିଶା ଗସ୍ତରେ ଆସିଛନ୍ତି ଓ ପ୍ରତ୍ୟେକ ଥର ପୁରୀ ଯାଇ ପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ନେଇଛନ୍ତି। ରାଷ୍ଟ୍ରପତି ପଦ ଛାଡ଼ିବା ପରେ ମଧ୍ୟ ପ୍ରଣବ ମୁଖାର୍ଜୀ ଓଡ଼ିଶା ଆସିଛନ୍ତି। ୨୦୧୮ ଜାନୁଆରୀ ୨୭ ତାରିଖରେ ‘ଦ ଟଲ୍‌ ମ୍ୟାନ୍ ବିଜୁ ପଟ୍ଟନାୟକ’ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ଯୋଗ ଦେବାକୁ ସେ ଓଡ଼ିଶା ଆସିଥିଲେ।

୧୯୯୯ ମହାବାତ୍ୟା ସମୟରେ ବିପନ୍ନଙ୍କ ଦୁଃଖ ବୁଝିବାକୁ ଓଡ଼ିଶା ଆସିଥିଲେ ପ୍ରଣବ ମୁଖାର୍ଜୀ। ସେତେବେଳେ ସେ ସାଂସଦ ଥିଲେ ଓ ସୋନିଆ ଗାନ୍ଧିଙ୍କ ସହ କେନ୍ଦ୍ରାପଡ଼ା ଜିଲ୍ଲାର ବାତ୍ୟା ବିଧ୍ୱସ୍ତ ଅଞ୍ଚଳ ବୁଲି ଲୋକଙ୍କ ଦୁଃଖ ଦୁର୍ଦ୍ଦଶା ବୁଝିଥିଲେ। ସ୍ୱର୍ଗତ ମୁଖାର୍ଜୀ ସେତେବେଳେ ମହାକାଳପଡ଼ା ବ୍ଲକ୍ ରାମନଗରର ତରୁଣକାନ୍ତି କାଞ୍ଜିଲାଲଙ୍କ ସହ ମୋଟର ସାଇକେଲ୍‌ରେ ବସି ବାତ୍ୟା ପ୍ରଭାବିତ ଅଞ୍ଚଳ ବୁଲି ଦେଖିଥିଲେ ଓ ଲୋକଙ୍କୁ ଭେଟିଥିଲେ। ତରୁଣକାନ୍ତି କାଞ୍ଜିଲାଲ ସେତେବେଳେ କଂଗ୍ରେସର ପଞ୍ଚାୟତସ୍ତରୀୟ ଯୁବ ସଭାପତି ଥିଲେ। ଏବେ ସେ ଦଳର ଜଣେ କର୍ମୀ ଭାବେ କାର୍ଯ୍ୟ କରୁଛନ୍ତି।

ଏହାର ୧୪ ବର୍ଷ ପରେ ୨୦୧୩ ଏପ୍ରିଲ ୨୫ରେ ପ୍ରଣବ ମୁଖାର୍ଜୀ ରାଷ୍ଟ୍ରପତି ଭାବେ ଓଡ଼ିଶାକୁ ପ୍ରଥମ ଗସ୍ତ ଗରିଥିଲେ। ଆଉ ସେତେବେଳେ ବି ସେ ୧୯୯୯ ମହାବାତ୍ୟା ସମୟର ସ୍ମୃତିକୁ ଭୁଲି ନଥିଲେ। ସେ ରାଜଭବନକୁ ତରୁଣକାନ୍ତି କାଞ୍ଜିଲାଲଙ୍କୁ ନିମନ୍ତ୍ରଣ କରିଥିଲେ।

ପ୍ରଣବ ମୁଖାର୍ଜୀଙ୍କ ଅବର୍ତ୍ତମାନରେ ତାଙ୍କ ସହିତ କାଟି ଥିବା କିଛି ସମୟର ସ୍ମୃତିକୁ ମନେ ପକାଇଛନ୍ତି ତରୁଣକାନ୍ତି କାଞ୍ଜିଲାଲ ଏବଂ ଆମ ନିକଟକୁ ନିମ୍ନରେ ଦିଆଯାଇଥିବା ଫଟୋଗୁଡ଼ିକୁ ପଠାଇଛନ୍ତି।

ଆହୁରି ପଢ଼ନ୍ତୁ

ହଙ୍ଗାମା କରି ସସ୍‌ପେଣ୍ଡ ହେଲେ ରାଜ୍ୟସଭାର ୮ ସାଂସଦ

୨୧ ସେପ୍ଟେମ୍ବର, ସୋମବାର: ପରିଶ୍ରମ ଅନୁସାରେ ସଫଳତା ପାଇବେ

ନେପୋଟିଜିମ୍ ପାଇଁ କିଏ ଦାୟୀ? ଜବାବ ରଖିଲେ ନଓ୍ୱାଜୁଦ୍ଦିନ ସିଦ୍ଦିକି

କଥା ଦେଇ କଥା ରଖିଲେ, ନମିତାଙ୍କୁ ଜଗନ୍ନାଥ ଭଜନ ଗାଇବାର ସୁଯୋଗ ଦେଲେ ବର୍ଷା

ଆସୁଛି ‘ଫେଲୁଦା’, କମ୍‌ ଖର୍ଚ୍ଚରେ ଅଧାଘଣ୍ଟାରେ ହେବ କୋଭିଡ୍ ଟେଷ୍ଟ୍

ରାଜ୍ୟରେ ୪,୩୩୦ ନୂଆ କରୋନା ଆକ୍ରାନ୍ତ ଚିହ୍ନଟ: ଖୋର୍ଦ୍ଧାରେ ସର୍ବାଧିକ, କଟକରେ ୫୦୦ରୁ ଅଧିକ

୨୦ ସେପ୍ଟେମ୍ବର, ରବିବାର: ଶତ୍ରୁମାନେ ପରାଜିତ ହେବେ

ଅନୁରାଗ କଶ୍ୟପଙ୍କ ନାମରେ ଯୌନ ନିର୍ଯାତନା ଅଭିଯୋଗ

କରୋନାରେ ପ୍ରଭାବିତ ୧୦ ରାଜ୍ୟ ମଧ୍ୟରେ ଓଡ଼ିଶା

ଆକବରଙ୍କ ମନ୍ତ୍ରୀ ତୋଡରମଲ୍ଲ ଥିଲେ ଓଡ଼ିଶାର ସୂର୍ଯ୍ୟବଂଶୀ!

୯ ଆତଙ୍କବାଦୀ ଗିରଫ, ବଡ଼ ଧରଣର ଆକ୍ରମଣ ପାଇଁ କରିଥିଲେ ଯୋଜନା

୧୯ ସେପ୍ଟେମ୍ବର, ଶନିବାର: ମନ ବିଚଳିତ ରହିବ