ନୂଆଦିଲ୍ଲୀ: ଆଜିଠାରୁ ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ବହୁପ୍ରତିକ୍ଷୀତ ବିଶ୍ୱ ଟେଷ୍ଟ ଚାମ୍ପିୟନଶିପ ଫାଇନାଲ ମ୍ୟାଚ୍ ଆରମ୍ଭ ହେବ। ଇଂଲଣ୍ଡର ସାଉଥାମ୍ପଟନରେ ଖେଳାଯିବାକୁ ଥିବା ଏହି ଐତିହାସିକ ମ୍ୟାଚ୍ ପାଇଁ ସବୁ ପ୍ରକାରର ପ୍ରସ୍ତୁତି ଶେଷ ହୋଇଛି। ଆଜିର ମ୍ୟାଚ୍ ପୂର୍ବରୁ ଗତକାଲି ଠାରୁ ଭାରତୀୟ ଟିମ୍ ତା’ର ଚୂଡ଼ାନ୍ତ ଏକାଦଶ ମଧ୍ୟ ଘୋଷଣା କରିସାରିଛି।
ହେଲେ ମ୍ୟାଚ୍ ଉପରେ ବର୍ଷାର କଳା ବାଦଲ ଘୋଟେଇ ହୋଇଯାଇଛି। ସାଉଥାମ୍ପଟନରେ ପାଗ କୋହଲା ଥିବା ବେଳେ ମ୍ୟାଚ୍ ବେଳକୁ ବର୍ଷା ହେବାର ଆଶଙ୍କା ରହିଛି। ଯଦି ଏମିତି ହୁଏ, ତା’ହେଲେ ଫାଇନାଲ ମ୍ୟାଚ୍ର ପ୍ରଥମ ଦିନ ବର୍ଷା ଯୋଗୁ ଧୋଇଯାଇପାରେ। କେବଳ ଆଜି ନୁହେଁ, ଆଗାମୀ ୫ରୁ ୬ ଦିନ ଯାଏ ସାଉଥାମ୍ପଟନରେ ବର୍ଷାର ଆଶଙ୍କା ରହିଛି।
ବ୍ରିଟେନର ସ୍ଥାନୀୟ ପାଣିପାଗ ବିଭାଗ ଅନୁଯାୟୀ, ଆଜି ସାଉଥାମ୍ପଟନରେ ପ୍ରବଳ ବର୍ଷା ସାଙ୍ଗକୁ ବିଜୁଳି ମାରିବାର ଆଶଙ୍କା ରହିଛି। ଏବେ ଠାରୁ ହିଁ ଆକାଶରେ କଳା ବାଦଲ ଘୋଟାଇ ଆସିଲାଣି। ଆଜି ଦିନ ତମାମ ଏଭଳି ପାଗ ଲାଗି ରହିପାରେ ବୋଲି ବିଭାଗ ଆକଳନ କରିଛି।
The Big Day is here! 👏 👏
Get behind #TeamIndia & show your support as they take on New Zealand in #WTC21 Final in a few hours from now! 💪 💪 pic.twitter.com/8k9B74DMPg
— BCCI (@BCCI) June 18, 2021
ଅନ୍ୟପକ୍ଷରେ ଆଇସିସି ଫାଇନାଲ ମ୍ୟାଚ୍ ପାଇଁ ଅତିରିକ୍ତ ଗୋଟିଏ ଦିନ ସଂରକ୍ଷିତ କରି ରଖିଛି। କିନ୍ତୁ ବର୍ଷା ଯୋଗୁ ଯଦି ମ୍ୟାଚର ଅଧିକାଂଶ ସମୟ ନଷ୍ଟ ହୋଇଯାଏ, ତା’ହେଲେ ଅତିରିକ୍ତ ଦିନ ଏହାର ଭରଣ କରିବାରେ ସହାୟକ ନ ହୋଇପାରେ। ତେଣୁ ବର୍ଷାକୁ ନେଇ କ୍ରିକେଟ ପ୍ରେମୀମାନେ ଆଶା ଆଶଙ୍କାରେ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
