/odisha-reporter/media/agency_attachments/2025/09/10/2025-09-10t082211800z-640x480-or-sukant-rout-2025-09-10-13-52-11.png)
/odisha-reporter/media/member_avatars/uploadimage/library/16_9/16_9_1/jitendra_1674037021.jpg )
/odisha-reporter/media/post_attachments/uploads/2020/08/sureshrain1.jpg)
sureshrain1
ଭୁବନେଶ୍ୱର (ଓଡ଼ିଶା ରିପୋର୍ଟର): ଆଇପିଏଲ୍-୨୦୨୦ ଖେଳିବେ ନାହିଁ ଚେନ୍ନାଇ ସୁପର କିଙ୍ଗ୍ସରେ ସାମିଲ ହୋଇଥିବା ସୁରେଶ ରାଇନା। ସେ ବ୍ୟକ୍ତିଗତ କାରଣରୁ ଚଳିତ ବର୍ଷ ଆଇପିଏଲ୍ର କୌଣସି ମ୍ୟାଚ୍ ଖେଳିବେ ନାହିଁ। ସେ ଭାରତ ଫେରି ଆସିଛନ୍ତି।
ଆଜି ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଏହାର ସିଇଓ କେ.ଭି ବିଶ୍ୱନାଥନ ଟ୍ୱିଟ୍ କରି ଏହି ସୂଚନା ଦେଇଛନ୍ତି। ଏହା ସହିତ ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଏହି ସମୟରେ ସୁରେଶ ଓ ତାଙ୍କ ପରିବାରକୁ ସଂପୂର୍ଣ୍ଣ ସମର୍ଥନ ଦିଆଯିବ ବୋଲି ଟ୍ୱିଟ୍ରେ କୁହାଯାଇଛି।
Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
KS Viswanathan
CEO— Chennai Super Kings (@ChennaiIPL) August 29, 2020
ରାଇନା ଥିଲେ ଚେନ୍ନାଇ ସୁପର କିଙ୍ଗ୍ସର ଜଣେ ଗୁରୁତ୍ୱପୁର୍ଣ୍ଣ ଖେଳାଳି। ଟିମ୍ ନିଶ୍ଚୟ ତାଙ୍କ ଅନୁପସ୍ଥିତି ଅନୁଭବ କରିବ। ତେବେ ଆଇପିଏଲ ଖେଳିବାକୁ ୟୁଏଇ ଯାଇଥିବା ମହେନ୍ଦ୍ର ସିଂହ ଧୋନିଙ୍କ ଚେନ୍ନାଇ ସୁପର କିଙ୍ଗ୍ସକୁ ପୂର୍ବରୁ ଆଉ ଏକ ଝଟକା ଲାଗି ସାରିଛି। ଦଳର ଜଣେ ଦ୍ରୁତ ବୋଲରଙ୍କ ସମେତ ସପୋର୍ଟ ଷ୍ଟାଫ୍ ଓ ସୋଶାଲ ମିଡିଆ ସଦସ୍ୟଙ୍କୁ ମିଶାଇ ମୋଟ ୧୩ ଜଣ କରୋନାରେ ଆକ୍ରାନ୍ତ ହୋଇଛନ୍ତି। ତେବେ ସେହି ଦ୍ରୁତ ବୋଲର ଜଣଙ୍କ କେହି ଭାରତୀୟ ନା ବିଦେଶୀ ଖେଳାଳି, ତାହା ଜଣାପଡ଼ିନାହିଁ।
ସୂଚନାଯୋଗ୍ୟ, ଚଳିତ ମାସ ୧୫ ତାରିଖରେ ସୁରେଶ ରାଇନା ଅନ୍ତର୍ଜାତୀୟ କ୍ରିକେଟ୍ରୁ ଅବସର ଘୋଷଣା କରିଥିଲେ। ତେବେ ସେ ଆଇପିଏଲ୍ ଖେଳିବେ ବୋଲି କହିଥିଲେ।