ହାରୁ ହାରୁ ଜିତି ଗଲା ଭାରତ, ୪ ରନରେ ଜିମ୍ବାୱେ ପରାସ୍ତ

ହରାରେ: ଷ୍ଟାର୍ ଖେଳାଳିଙ୍କ ବିନା ଆଜିଙ୍କ୍ୟ ରାହାଣେଙ୍କ ନେତୃତ୍ୱରେ ଜିମ୍ବାୱେକୁ ତା’ମାଟିରେ ଟକ୍କର ଦେବାକୁ ଯାଇଥିବା ଭାରତୀୟ ଟିମ୍ ଆଜି ଅଳ୍ପକେ ଏକ ଲଜ୍ଜାଜନକ ପରାଜୟରୁ ବର୍ତ୍ତି ଯାଇଛି। ରୋମାଞ୍ଚ ଭରା ଜିମ୍ବାୱେ ବିପକ୍ଷ ପ୍ରଥମ ଦିନିକିଆକୁ ଦଳ ମାତ୍ର ୪ ରନରେ ଜିତି ଯାଇଛି। ଭାରତକୁ ଏକ ସମ୍ମାନଜନକ ସ୍କୋରକୁ ନେଇ ଯାଇ ନିଶ୍ଚିତ ପରାଜୟରୁ ବଞ୍ଚାଇଥିବା ଅମ୍ବାତି ରାୟୁଡୁଙ୍କୁ ଦିଆଯାଇଥିଲା ‘ମ୍ୟାନ୍ ଅଫ୍ ଦ ମ୍ୟାଚ୍’। ସେ ୧୨୪ ରନ୍ କରିଥିଲେ।

ଆଜି ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା ଜିମ୍ବାୱେ। ଦଳର ଯୋଜନା ପୂରା ଠିକ୍ ଥିଲା। ସେଥିପାଇଁ ଅଧିନାୟକ ଆଜିଙ୍କ୍ୟ ରାହାଣେ, ଅମ୍ବାତି ରାୟୁଡୁ ଓ ଷ୍ଟୁଆର୍ଟ ବିନ୍ନିଙ୍କ ବ୍ୟତୀତ ବ୍ୟାଟିଂ କରିବାକୁ ଆସିଥିବା ଅନ୍ୟ କୌଣସି ବ୍ୟାଟ୍ସମ୍ୟାନ୍ ଦୁଇ ଅଙ୍କ ଛୁଇଁ ପାରିନଥିଲେ। ଆଜିଙ୍କ୍ୟ ଓ ମୂରଲୀ ବିଜୟ ଓପନିଂ କରିବାକୁ ଆସିଥିଲେ। ବିଜୟ ମାତ୍ର ୯ଟି ବଲ୍ ଖେଳି ୧ ରନ୍ କରି ଆଉଟ୍ ହୋଇଯାଇଥିଲେ। ଅଧିନାୟକ ଆଜିଙ୍କ୍ୟ ରାହାଣେ ବି ଅଧିକ ସମୟ ତିଷ୍ଠି ପାରିଲେ ନାହିଁ। ୪୯ଟି ବଲରୁ ୩୪ ରନ୍ କରି ସେ ଆଉଟ୍ ହୋଇଯାଇଥିଲେ। ମନୋଜ ତିୱାରୀ, ରବୀନ ଉଥାପ୍ପା ଓ କେଦାର ଯାଦବ ଯଥାକ୍ରମେ ୨,୦ ଓ ୫ ରନ୍ କରି ଆଉଟ୍ ହୋଇଯାଇଥିଲେ। ତେବେ ଭାରତୀୟ ଇନିଂସକୁ ସମ୍ଭାଳି ନେଇଥିଲେ ତିନି ନମ୍ବରରେ ଖେଳିବାକୁ ଆସିଥିବା ଅମ୍ବାତି ରାୟୁଡୁ। ତାଙ୍କୁ ମିଳିଥିଲା ସାତ ନମ୍ବରରେ ଖେଳିବାକୁ ଆସିଥିବା ଷ୍ଟୁଆର୍ଟ ବିନ୍ନିଙ୍କ ସାଥ୍। ରାୟୁଡୁ ୧୩୩ଟି ବଲରୁ ୧୨ଟି ଚୌକା ଓ ଗୋଟିଏ ଛକା ମାରି ୧୨୪ ରନ୍ କରି ନଟ୍ ଆଉଟ୍ ରହିଥିଲେ। ବିନ୍ନି ୭୬ଟି ବଲରୁ ୬ଟି ଚୌକା ଓ ୨ଟି ଛକା ବଳରେ ୭୭ ରନ୍ କରିଥିଲେ। ଅକ୍କ୍ସର ପଟେଲ ମାତ୍ର ୩ଟି ବଲ୍ ଖେଳିବାକୁ ସୁଯୋଗ ପାଇଥିଲେ ଓ ୨ ରନ୍ କରି ନଟ୍ ଆଉଟ୍ ରହିଥିଲେ। ଦଳ ପୂରା ୫୦ ଓଭର ଖେଳି ୬ ୱିକେଟ୍ ବିନିମୟରେ ୨୫୫ ରନ୍ ସଂଗ୍ରହ କରିଥିଲା।  ଜିମ୍ବାୱେ ପକ୍ଷରୁଚାମୁ ଚିଭାଭା ଓ ଡୋନାଲ୍ଡ ତିରିପାନୋ ଯଥାକ୍ରମେ ୨ଟି ଲେଖାଏଁ ୱିକେଟ୍ ନେଇଥିଲେ।

ଜିମ୍ବାୱେର ବ୍ୟାଟିଂ ମଧ୍ୟ ଆରମ୍ଭରୁ ଭଲ ରହିନଥିଲା। ଓପନର ଚାମୁ ଚିଭାଭା ମାତ୍ର ୩ ରନ୍ କରି ଆଉଟ୍ ହୋଇଯାଇଥିଲେ। ସେହିପରି ଅନ୍ୟତମ ଓପନର ଭୁସି ସିବାନ୍ଦ ୨୦ ଓ ତିନି ନମ୍ବରରେ ଆସିଥିବା ହାମିଲଟନ୍ ମାସାକାଦଜା ୩୪ ରନ୍ କରି ଆଉଟ୍ ହୋଇଥିଲେ। ତେବେ ଚାରି ନମ୍ବରରେ ଆସିଥିବା ଏଲଟୋନ୍ ଚିଗୁମବୁରା ୧୦୧ଟି ବଲରୁ ୮ଟି ଚୌକା ଓ ଗୋଟିଏ ଛକା ସହିତ ୧୦୪ ରନ୍ କରି ଅପରାଜିତ ରହିଥିଲେ। ସେ ପ୍ରାୟତଃ ମ୍ୟାଚକୁ ଭାରତ ହାତରୁ ଛଡ଼ାଇ ନେଇଥିଲେ। ସିକନ୍ଦର ରାଜା ୩୭ ଓ ଗ୍ରାମେ କ୍ରିମର ୨୭ ରନ୍ କରିଥିଲେ। ବିଜୟ ପାଇଁ ଶେଷ ଓଭରରେ ଦଳକୁ ୧୦ ରନ୍ ଆବଶ୍ୟକ ହେଉଥିଲା। ତେବେ ଦଳ ମାତ୍ର ୬ ରନ୍ ସଂଗ୍ରହ କରିପାରିଥିଲା।

ଭାରତ ପକ୍ଷରୁ ଭୁବନେଶ୍ୱର କୁମାର, ଧୱଲ କୁଲକର୍ଣ୍ଣୀ ଗୋଟିଏ ଲେଖାଏଁ ୱିକେଟ୍ ନେଇଥିବା ବେଳେ ଷ୍ଟୁଆର୍ଟ ବିନ୍ନି ଓ ଅକ୍ସର ପଟେଲ ୨ଟି ଲେଖାଏଁ ୱିକେଟ୍ ନେଇଥିଲେ। ସେହିଭଳି ଦୀର୍ଘ ଦିନ ପରେ ଦିନିକିଆକୁ ଫେରିଥିବା ସ୍ପିନର ହରଭଜନ ସିଂହ ୧୦ ଓଭରରେ ୪୬ ରନ୍ ଦେଇ ଗୋଟିଏ ୱିକେଟ୍ ନେଇଥିଲେ।

ଆହୁରି ପଢ଼ନ୍ତୁ

‘ଜଣେ କାହା ସହିତ କୌଣସି ସମୟରେ ପ୍ରେମରେ ପଡ଼ିପାରେ’

ବରିଷ୍ଠ ଖେଳାଳିଙ୍କୁ ଜେରା ପରେ ୨୦୧୧ ବିଶ୍ୱକପ୍ ଫିକ୍ସିଂ ଅଭିଯୋଗର ତଦନ୍ତ ଉପରେ ରୋକ ଲଗାଇଲା ଶ୍ରୀଲଙ୍କା

୨୦୧୧ ବିଶ୍ୱକପ ଫିକ୍ସିଂ ହୋଇଥିଲା କି? ସାଙ୍ଗାକାରାଙ୍କୁ ୧୦ ଘଣ୍ଟା ଜେରା

କୋଚଙ୍କ ବେକରେ ଛୁରୀ ଲଗାଇ ଦେଇଥିଲେ ପାକ୍‌ର ଏହି ପୂର୍ବତନ ବ୍ୟାଟସମ୍ୟାନ!

ପରଲୋକରେ ମହାନ କ୍ରିକେଟର ଏଭେରଟନ ଓ୍ୱିକେସ

ଆଇସିସି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଶଶାଙ୍କ ମନୋହର

ରବି ଶାସ୍ତ୍ରୀଙ୍କୁ ପୂର୍ବତନ ପାକ୍‌ କ୍ରିକେଟରଙ୍କ ପ୍ରଶଂସା

କିଏ ହେବେ ଆଗାମୀ ଆଇସିସି ଅଧ୍ୟକ୍ଷ?

ଏସିଆ କପ୍ ୟୁଏଇ ଅବା ଶ୍ରୀଲଙ୍କାରେ ହେବ: ପିସିବି

ପୁଣି ୭ ପାକିସ୍ତାନ କ୍ରିକେଟରଙ୍କୁ କରୋନା, ସଂଖ୍ୟା ୧୦ ଛୁଇଁଲା

ଟେନିସ ତାରକା ଜୋକୋଭିଚ୍‌ଙ୍କୁ କରୋନା

୨୦୧୧ ବିଶ୍ୱକପ ଫାଇନାଲରେ ହୋଇଥିଲା କି ଫିକ୍ସିଂ? ତଦନ୍ତ ଆରମ୍ଭ କଲା ଶ୍ରୀଲଙ୍କା