ହାଇଦ୍ରାବାଦ ଛାଡ଼ିବେ ପ୍ରଜ୍ଞାନ

ଭୁବନେଶ୍ୱର: କ୍ୟାମ୍ପ ବଦଳାଇବାକୁ ଯୋଜନା କରୁଛନ୍ତି ଓଡ଼ିଆ କ୍ରିକେଟର ପ୍ରଜ୍ଞାନ ଓଝା। ହାଇଦ୍ରାବାଦ ଟିମ୍ ପକ୍ଷରୁ ରଣଜୀ ଖେଳୁଥିବା ପ୍ରଜ୍ଞାନ ଆସନ୍ତା ସଜିନରେ ବେଙ୍ଗଲ୍ ପକ୍ଷରୁ ଖେଳି ପାରନ୍ତି। ଏଥିପାଇଁ ତାଙ୍କୁ ହାଇଦ୍ରାବାଦ୍ କ୍ରିକେଟ୍ ଆସୋସିଏସନ ପକ୍ଷରୁ ଏନଓସି ମଧ୍ୟ ମିଳିସାରିଛି। କ୍ରିକେଟ୍ ଆସୋସିଏସନ୍ ଅଫ୍ ବେଙ୍ଗଲର ଯୁଗ୍ମ ସଂପାଦକ ସୌରଭ ଗାଙ୍ଗୁଲୀ ମଧ୍ୟ ଏ ସଂପର୍କରେ ପ୍ରଜ୍ଞାନଙ୍କ ସହ ଆଲୋଚନା ଚାଲିଥିବା ସୂଚନା ଦେଇଛନ୍ତି।… ହାଇଦ୍ରାବାଦ ଦଳ ରଣଜୀ ଟ୍ରଫିର ଗ୍ରୁପ-ସି’ରେ ଖେଳୁଥିବାରୁ ପ୍ରଜ୍ଞାନ ଖୁସି ନାହାନ୍ତି। ତେଣୁ ଉଚ୍ଚସ୍ତରୀୟ କ୍ରିକେଟ୍ ଖେଳିବାକୁ ଉଚ୍ଚ ରାଙ୍କରେ ଥିବା ବେଙ୍ଗଲ୍ର ପ୍ରତିନିଧିତ୍ବ କରିବାକୁ ଚାହୁଁଛନ୍ତି ପ୍ରଜ୍ଞାନ। ଏହାଦ୍ୱାରା ସେ ବିସିସିଆଇ ଚୟନକର୍ତ୍ତାଙ୍କ ଦୃଷ୍ଟି ଆକର୍ଷଣ କରି ଭାରତୀୟ ଦଳକୁ ଫେରିବାକୁ ଆଶା ରଖିଛନ୍ତି। ପ୍ରଜ୍ଞାନ ଏବେ ଅେଷ୍ଟ୍ରଲିଆ-ଏ’ ଓ ସାଉଥ୍ ଆଫ୍ରିକା-ଏ’ ଟିମ୍ ବିରୋଧରେ ଖେଳିବାକୁ ଥିବା ଭାରତୀୟ-ଏ’ ଦଳରେ ସ୍ଥାନ ପାଇଛନ୍ତି।