ନ୍ୟୁୟର୍କ: ୟୁଏସ୍ ଓପନ୍ର ପୁରୁଷ ଡବଲ୍ସରୁ ବିଦା ହୋଇଯାଇଛନ୍ତି ଭାରତୀୟ ଯୋଡ଼ି ଲିଆଣ୍ଡର ପେସ୍ ଓ ରୋହନ ବୋପାନ୍ନା। ଅନ୍ୟପକ୍ଷରେ ମିକ୍ସଡ ଡବଲ୍ସରେ ବିଜୟ ଧାରା ଜାରି ରଖିଛନ୍ତି ଭାରତର ସାନିଆ ମିର୍ଜା ଓ ତାଙ୍କ ସାଥୀ ଇଭାନ୍ ଡୋଡିକ୍। ଏହି ଯୋଡ଼ି ପରବର୍ତ୍ତୀ ପର୍ଯ୍ୟାୟକୁ ଉନ୍ନୀତ ହୋଇଛନ୍ତି।
ପେସ୍ ଓ ତାଙ୍କ ଜର୍ମାନ ସାଥୀ ଆନ୍ଦ୍ରେ ବେଗେମନ୍ ଫ୍ରାନ୍ସ-ଇସ୍ରାଏଲ ଯୋଡି ଷ୍ଟିଫେନ୍ ରବର୍ଟ ଓ ଡୁଡି ସେଲାଙ୍କଠାରୁ ୬-୨, ୫-୭, ୪-୬ରେ ପରାଜିତ ହୋଇଛନ୍ତି।
ରୋହନ୍ ବୋପାନ୍ନା ତାଙ୍କ ଯୋଡ଼ି ଫେଡ୍ରିକ୍ ନେଇଲସନ୍ ଆମେରିକାର ବ୍ରାଏନ୍ ବେକର ଓ ତାଙ୍କ ନ୍ୟୁଜିଲାଣ୍ଡ ସାଥୀ ମାର୍କସ୍ ଡ୍ୟାନିଏଲଙ୍କ ଠାରୁ ୨-୬ ୬-୭(୫-୭)ରେ ପରାଜିତ ହୋଇଛନ୍ତି।
ୟୁଏସ୍ ଯୋଡି ଡୋନାଲ୍ଡ ୟଙ୍ଗ ଓ ଟେଲର ଟାଉନ୍ସେଣ୍ଡଙ୍କୁ ୬-୪, ୬-୪ରେ ପରାଜିତ କରିଛନ୍ତି ଭାରତର ସାନିଆ ମିର୍ଜା ଓ ଇଭାନ୍ ଡୋଡିକ୍।