ଭୁବନେଶ୍ୱର:ରାଜ୍ୟରେ ୧୩ ଛୁଇଁଲା ସ୍ୱାଇନ୍ ଫ୍ଲୁ ରୋଗୀଙ୍କ ସଂଖ୍ୟା । ଆଜି ଆସିଥିବା ୪ଟି ସାମ୍ପୁଲ୍ରେ ଗୋଟିଏ ପଜିଟିଭ୍ ବାହାରିଛି । ଏଜାବତ୍ ଆସିଥିବା ମୋଟ୍ ୧୨୮ଟି ସାମ୍ପୁଲରୁ ୧୩ଟି ପଜିଟିଭ୍ ଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ସେପଟେ ଗତକାଲି ରାଜଧାନୀରେ ୫ ସ୍ୱାଇନ୍ ଫ୍ଲୁ ରୋଗୀ ଚିହ୍ନଟ ହେବା ପରଠୁ ତତ୍ପର ହୋଇ ପଡିଛି ସ୍ୱାସ୍ଥ୍ୟ ବିଭାଗ । ରୋଗ ଯେମିତି ଅଧିକ ନ ବ୍ୟାପେ ସେଥିପାଇଁ ସଚେତନତା ମଧ୍ୟ ଆରମ୍ଭ କରାଯାଇଛି।
ସବୁ ସରକାରୀ ମେଡିକାଲରେ ସ୍ୱତନ୍ତ୍ର ବେଡ ସହ ଭେଣ୍ଟିଲେଟର ଓ ମେଡିସିନ୍ ବ୍ୟବସ୍ଥା କରାଯାଇଥିବା ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ସୂଚନା ଦେଇଛନ୍ତି। ତା’ସହ ଯେଉଁମାନେ ଘରୋଇ ମେଡିକାଲରେ ଚିକିତ୍ସିତ ହେଉଛନ୍ତି ସେଠାକୁ ମଧ୍ୟ ମେଡିସିନ୍ ଦିଆଯାଉଛି।