ରାମବାବାଙ୍କ ପରାମର୍ଶ: କହିଲେ,ମିଶିକି କାମ କରନ୍ତୁ ନବୀନ ଓ ମୋଦି,ଦାମ କହିଲେ,ବାବା ଏଣିକି ଯୋଗ ଛାଡନ୍ତୁ,ରାଜନୀତି କରନ୍ତୁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିକ୍ଷିତ ଓ ଭଲ ଲୋକ। ମୁଁ ଆଶା କରୁଛି ତାଙ୍କ ନେତୃତ୍ୱରେ ଓଡ଼ିଶା ଆଗକୁ ଆହୁରି ବଢ଼ିବ। ସମୟ ଆସିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ନବୀନ ପଟ୍ଟନାୟକ ଏକାଠି କାମ କରନ୍ତୁ।&nbsp; ଆଜି କିଛି ଏଭଳି ପରାମର୍ଶ ଦେଇଛନ୍ତି ଯୋଗଗୁରୁ ବାବା ରାମଦେବ।&nbsp;&nbsp; ପତଞ୍ଜଳି ଡିଷ୍ଟ୍ରିବ୍ୟୁଟର କନଭେନସନରେ ଯୋଗ ଦେବାକୁ ଭୁବନେଶ୍ୱରରେ ଆସି ପହଞ୍ଚିବା ପରେ ବାବା ରାମଦେବ ଏହା କହିଛନ୍ତି।</p> <p>ସେ କହିଛନ୍ତି,&ldquo;ଓଡ଼ିଶାରେ ବର୍ଷେ ଦୁଇ ବର୍ଷ ମଧ୍ୟରେ ଯୋଗ ବିଶ୍ୱବିଦ୍ୟାଳୟ ପ୍ରତିଷ୍ଠା ପାଇଁ ଲକ୍ଷ୍ୟ ରଖାଯାଇଛି। &nbsp;ସ୍କୁଲ ଓ କଲେଜରେ ଯୋଗ ଶିକ୍ଷା ଉପରେ ଗୁରୁତ୍ୱ ଦିଆଯିବା ଆବଶ୍ୟକ। ସରକାରଙ୍କୁ&nbsp; ଏଥିପାଇଁ ପଦକ୍ଷେପ ନେବା ଆବଶ୍ୟକ। ପତଞ୍ଜଳି ପକ୍ଷରୁ ସମସ୍ତ ପ୍ରକାର ସହଯୋଗ କରାଯିବ। ମୁଁ &nbsp;୧୫ ବର୍ଷ ହେବ ଓଡ଼ିଶା ଆସୁଛି। ଓଡ଼ିଶା ଜଗନ୍ନାଥଙ୍କ ଧାମ। ଏଠାକାର ଲୋକ ଧର୍ମନିଷ୍ଠ, ରାଷ୍ଟ୍ରନିଷ୍ଠ &nbsp;ଓ ବହୁତ ସର୍ଚ୍ଚୋଟ।&rdquo;</p> <p>ସେ ଆହୁରି କହିଛନ୍ତି,&ldquo;ଓଡ଼ିଶାରେ ପ୍ରଚୁର ପରିମାଣରେ &nbsp;ପ୍ରାକୃତିକ ସମ୍ପଦ &nbsp;ରହିଛି। ଏହା ସହ କୃଷି, କୃଷି ସହ ସମ୍ପୃକ୍ତ ଇଣ୍ଡଷ୍ଟ୍ରି ଓ ମାନସମ୍ବଳ ରହିଛି। ଏହାକୁ ସଠିକ୍&zwnj; ଉପଯୋଗ କରାଗଲେ ଓଡ଼ିଶାରୁ ଦାରିଦ୍ର୍ୟ ହଟିଯିବ।&rdquo;</p> <p>ଅନ୍ୟପକ୍ଷରେ ବାବା ରାମଦେବଙ୍କ କଥାକୁ କଡ଼ା ସମାଲୋଚନା କରିଛନ୍ତି ମନ୍ତ୍ରୀ ଦାମୋଦର ରାଉତ।</p> <p>ସେ କହିଛନ୍ତି,&rsquo;&ldquo;ରାମଦେବ ବାବା ଯୋଗ କଥା ଛାଡି ଏଣିକି ରାଜନୀତି କରନ୍ତୁ। ଭଲ ହେବ। ଭାରତ ଏକ ସଂଘୀୟ ରାଷ୍ଟ୍ର । ସମ୍ବିଧାନର ବ୍ୟବସ୍ଥା ବୁଝିକି ରାଜ୍ୟ ସରକାରଙ୍କୁ ସାହାଯ୍ୟ କରିବାକୁ ରାମଦେବ ପ୍ରଧାନମନ୍ତ୍ରୀଙ୍କୁ &nbsp;କୁହନ୍ତୁ।&rdquo;</p> <p>&amp;nbsp;</p> <p>&amp;nbsp;</p> <p>&amp;nbsp;</p> <p>&amp;nbsp;</p>