ଘରେ ନ ପଶୁଣୁ ବାଜିଲା ଚାଳ: ଅଶୋକଙ୍କ ପ୍ରାର୍ଥିତ୍ୱକୁ ବିଜେପିରେ ବିରୋଧ

<p>ବରଗଡ଼ (ଓଡ଼ିଶା ରିପୋର୍ଟର): ବିଜେପି ହେଉଛି ସର୍ବ ବୃହତ ରାଜନୈତିକ ଦଳ। ଏଥିରେ ମିଶିବାରେ କାହାରି ଆପତ୍ତି ନାହିଁ। ସେହି ଦୃଷ୍ଟିରୁ ବିଜେପୁର ପୂର୍ବତନ ବିଜେଡି ବିଧାୟକ ଅଶୋକ ପାଣିଗ୍ରାହୀ ବିଜେପିରେ ଯୋଗଦେଲେ ଆମେ ତାଙ୍କୁ ସ୍ୱାଗତ କରିବୁ। ମାତ୍ର ତାଙ୍କ ପ୍ରାର୍ଥିତ୍ୱକୁ ଗ୍ରହଣ କରିପାରିବୁ ନାହୁଁ। ଆଜି ଏପରି ବୟାନ ଦେଇଛନ୍ତି ବରଗଡ଼ ଜିଲ୍ଲା ସଭାପତି ନାରାୟଣ ସାହୁ।</p> <p>ସେ କହିଛନ୍ତି-&ldquo;ଗତ ସାଧାରଣ ନିର୍ବାଚନରେ ବିଜେପୁର ନିର୍ବାଚନମଣ୍ଡଳୀରୁ ଅଶୋକ ଆମ ବିରୋଧରେ ଲଢ଼ୁଥିଲେ। ଆଜି ସେ ବିଜେପିରୁ ପ୍ରାର୍ଥୀ ହେଲେ ତାଙ୍କୁ ଆମେ କେମିତି ଗ୍ରହଣ କରିବୁ?&rdquo;</p> <p>ସେ ଆହୁରି କହିଛନ୍ତି-&ldquo;ଗତ ପଞ୍ଚାୟତ ନିର୍ବାଚନରେ ବିଜେପି ୯୨,୨୬୬ ଭୋଟ ପାଇଥିଲା। କାର୍ଯ୍ୟକର୍ତ୍ତାଙ୍କ ପରିଶ୍ରମ ଯୋଗୁଁ ଏହି ଭୋଟ୍&zwnj; ମିଳିଥିଲା। ଏଥିରେ ଜିଲ୍ଲା କି ରାଜ୍ୟସ୍ତରୀୟ ନେତା ପ୍ରଚାର କରିନଥିଲେ। ସେହି ଦୃଷ୍ଟିରୁ ଯେଉଁ ବ୍ୟକ୍ତି ଲୋକଙ୍କ ସୁଖ ଓ ଦୁଃଖରେ ଜଡ଼ିତ ଅଛି, ତାଙ୍କୁ ପ୍ରାର୍ଥୀ କରାଗଲେ ବିଜେପୁର ଉପନିର୍ବାଚନରେ ବିଜେପି ଲକ୍ଷାଧିକ ଭୋଟ୍&zwnj; ବ୍ୟବଧାନରେ ଜିତିବ। ଏ ସମ୍ପର୍କରେ ଆମେ ରାଜ୍ୟ ସଭାପତିଙ୍କୁ ଲିଖିତ ଆକାରରେ ଜଣାଇ ଦେଇଛୁ।&rdquo;</p> <p>ବିଜେପୁରରେ ନେତୃତ୍ୱ ନାହାଁନ୍ତି ନେଇ ଏକ ପ୍ରଶ୍ନରେ ସେ କହିଥିଲେ-&ldquo;ଆମ ଦଳରେ ନେତୃତ୍ୱ ଅଛନ୍ତି। ଯଦି ଆମ ଦଳରେ ନେତୃତ୍ୱ ନାହାନ୍ତି, ତାହା ହେଲେ କାହାକୁ ଦେଖି ଲୋକେ ଆମକୁ ୯୨ରୁ ଅଧିକ ଭୋଟ୍&zwnj; ଦେଇଥିଲେ?&rdquo;</p> <p>[vc_video link=&quot;&quot; align=&quot;center&quot;]</p>