ଦିଲ୍ଲୀରୁ ଫେରିଲେ ମୁଖ୍ୟମନ୍ତ୍ରୀ: କହିଲେ ବିଜେପୁରରେ ନିଜେ ପ୍ରଚାର କରିବି

ଭୁବନେଶ୍ୱର (ଓଡ଼ିଶା ରିପୋର୍ଟର): ୬ ଦିନିଆ ଦିଲ୍ଲୀ ଗସ୍ତ ସାରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ଫେରିଛନ୍ତି। ଓଡ଼ିଶାରେ ପହଞ୍ଚିବା ପରେ ସାମ୍ବାଦିକ ମାନଙ୍କ ପ୍ରଶ୍ନର ଉତ୍ତର ଦେଇ ସେ କହିଛନ୍ତି- ବିଜେପୁରରେ ବିଜେଡି ପ୍ରାର୍ଥୀ ରୀତା ସାହୁଙ୍କ ପାଇଁ ସେ ନିଜେ ପ୍ରଚାର କରିବେ।

ଏହାସହ ସେ ଆହୁରି କହିଛନ୍ତି- ଦଳର ଛାମୁଆ ନେତାମାନେ ମଧ୍ୟ ରୀତାଙ୍କ ପାଇଁ ପ୍ରଚାର କରିବେ।

ମୁଖ୍ୟମନ୍ତ୍ରୀଙ୍କ ମନ୍ତବ୍ୟ ଉପରେ ବିଜେପି ପ୍ରତିକ୍ରିୟା ରଖିଛି। ବିଜେପି ରାଜ୍ୟ ପ୍ରଭାରୀ ଅରୁଣ ସିଂହ କହିଛନ୍ତି- “ମୁଖ୍ୟମନ୍ତ୍ରୀ ବିଜେପୁରରେ ନିଶ୍ଚିତ ପ୍ରଚାର କରିବା ଦରକାର। ସେ ପ୍ରଚାର ସହ ବରଗଡ଼ ପାଇଁ କ’ଣ କରିଛନ୍ତି ତାହା ବି କୁହନ୍ତୁ। ୧୭ ବର୍ଷ ହେବ ଶାସନରେ ଅଛନ୍ତି, ବିଜେପୁର ପାଇଁ କ’ଣ କରିଛନ୍ତି ତାହା ବି କୁହନ୍ତୁ।”