କେନ୍ଦ୍ରାପଡା: ଆରମ୍ଭ ହୋଇଛି ଅଲିଭ୍ ରିଡଲେଙ୍କ ପ୍ରଜନନ ଋତୁ। ଅଣ୍ଡା ଦେବା ପାଇଁ କେନ୍ଦ୍ରାପଡ଼ା ଗହିରମଥାରେ ହଜାର ହଜାର ସଂଖ୍ୟାରେ ଏହି ବିରଳ ପ୍ରଜାତିର କଇଁଛ ପହଞ୍ଚୁଛନ୍ତି। କଇଁଛ ଓ ଅଣ୍ଡାର ସୁରକ୍ଷା ଲାଗି ବନବିଭାଗ ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି। ୧୯୯୭ରେ ରାଜ୍ୟ ସରକାର ଗହୀରମଥାକୁ ସାମୁଦ୍ରିକ ଅଭୟାରଣ୍ୟ ଘୋଷଣା କରିଥିଲେ। ଏହାପରଠାରୁ ଗହୀରମଥାରେ କ୍ରମାଗତ ଭାବେ କଇଁଛଙ୍କ ସଂଖ୍ୟା ବଢିବାରେ ଲାଗିଛି।
ଅଭୟାରଣ୍ୟ ଘୋଷଣା ସତ୍ତ୍ୱେ କଇଁଛ ଓ ଅଣ୍ଡାର ସୁରକ୍ଷା ଏକ ଚ୍ୟାଲେଞ୍ଜ ହୋଇ ରହିଛି। ମାଛଧରା ଜାଲରେ ଲାଗି ବହୁ ସଂଖ୍ୟାରେ କଇଁଛ ମୃତାହତ ହେବାର ନଜିର ରହିଛି। ସେହିପରି ଶିକାରୀ ଓ ଅନ୍ୟ ବନ୍ୟ ପ୍ରାଣୀଙ୍କ କବଳରୁ ଅଣ୍ଡାକୁ ସୁରକ୍ଷା ଦେବା ମଧ୍ୟ ଏକ କଠିନ କାମ। ତେବେ ଦେବୀ ନଦୀ ମୁହାଣଠାରୁ ମହାନଦୀ ଓ ସମୁଦ୍ର ଉପକୁଳ ପର୍ଯ୍ୟନ୍ତ ପ୍ରାୟ ୫ କିଲୋମିଟର ଅଞ୍ଚଳରେ ଯନ୍ତ୍ରଚାଳିତ ଡଙ୍ଗ।କୁ ନିଷେଧ କରିଛି ବନ ବିଭାଗ। ସେହିପରି କୋଷ୍ଟଗାର୍ଡ, ପୋଲିସ, ବନବିଭାଗ ପକ୍ଷରୁ ପାଟ୍ରୋଲିଂ ମଧ୍ୟ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।