ଯୋଡ଼ାମୁଣ୍ଡ ଅଲଗା ହେବ! ଆଶା ଆଶ୍ୱସନା ନେଇ ଦିଲ୍ଲୀ ଏମ୍ସ ଗଲେ ହନି-ସିଂହ

<p>ଭୁବନେଶ୍ୱର: ଅଧିକ ଚିକିତ୍ସା ପାଇଁ ଦିଲ୍ଲୀ ଏମ୍ସ ଗଲେ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ମିଲିପଡ଼ା ଗାଁର ଯୋଡ଼ାମୁଣ୍ଡ ଶିଶୁ। ଭୁବନେଶ୍ୱର ଷ୍ଟେସନରୁ ରାଜଧାନୀ ଏକ୍ସପ୍ରେସ ଯୋଗେ ଦିଲ୍ଲୀ ଯାଇଛନ୍ତି ହନି ଓ ସିଂହ। ଏମାନଙ୍କୁ ଦେଖିବା ଲାଗି ଭୁବନେଶ୍ୱର ଷ୍ଟେସନରେ ବେଶ୍ ଭିଡ଼ ଜମିଥିଲା।</p> <p>ଏମସ୍&zwnj;ରେ ପହଞ୍ଚିବା ପରେ ଦୁଇ ଶିଶୁଙ୍କର ଅଧିକ ଚିକିତ୍ସା କରାଯିବ। ହନି ଓ ସିଂହଙ୍କ ସହ ସେମାନଙ୍କ ବାପା-ମା&rsquo; ଓ ରାଷ୍ଟ୍ରୀୟ କିଶୋରୀ ସ୍ୱାସ୍ଥ୍ୟ କାର୍ଯ୍ୟକ୍ରମର ଆସିଷ୍ଟାଣ୍ଟ ମ୍ୟାନେଜର ମଧ୍ୟ ଦିଲ୍ଲୀ ଯାଇଛନ୍ତି।&nbsp; ଏମାନଙ୍କ ଚିକିତ୍ସା ଲାଗି ଜିଲ୍ଲା ପ୍ରଶାସନ ପକ୍ଷରୁ ୧ଲକ୍ଷ ଏବଂ ଜିଲ୍ଲା ରୋଗୀ କଲ୍ୟାଣ ସମିତି ପକ୍ଷରୁ ୨୫ ହଜାର ଟଙ୍କା ଯୋଗାଇ ଦିଆଯାଇଛି।&nbsp; ଯୋଡ଼ାମୁଣ୍ଡ ଶିଶୁଙ୍କ ସମ୍ପର୍କରେ &nbsp;ଘରୋଇ ଟେଲିଭିଜନ ଚ୍ୟାନେଲ୍ ଓଟିଭିରେ ଖବର ପ୍ରସାରଣ ପରେ ସେମାନଙ୍କ ଅଧିକ ଚିକିତ୍ସା ଲାଗି ସ୍ୱାସ୍ଥ୍ୟ ବିଭାଗ ତତ୍ପରତା ଦେଖାଇଥିଲା।</p> <p>ସୂଚନାଯୋଗ୍ୟ, ଗଣମାଧ୍ୟମରେ ଏହି ଖବର ପ୍ରକାଶ ହେବା ପରେ ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନା କହିଥିଲେ-&ldquo;ଯୋଡ଼ା ମୁଣ୍ଡ ଚିକିତ୍ସା ଓଡ଼ିଶାରେ ସମ୍ଭବ ନୁହେଁ। ସେଥିପାଇଁ ଦୁଇ ଶିଶୁଙ୍କ ଚିକିତ୍ସା ପାଇଁ ଏମ୍ସ ପଠାଯିବ। ସେଠାରେ ଯାହା ଖର୍ଚ୍ଚ ହେବ ରାଜ୍ୟ ସରକାର ବହନ କରିବେ।&rdquo;</p> <p>&amp;nbsp;</p>