ସ୍ମାର୍ଟସିଟିରେ ମରିଗଲାଣି ମଣିଷପଣିଆ: ଟ୍ରେନ୍‌ରୁ ଖସି ସାହାଯ୍ୟ ମାଗୁଥିବା ଲୋକ ପାଖକୁ କେହି ଗଲେନି, ଫଟୋ ଉଠେଇଲେ

<p>ଭୁବନେଶ୍ୱର: ଘଟଣା ଥିଲା ହୃଦୟ ବିଦାରକ। ଅତି ଦୟନୀୟ ଥିଲା ଦୃଶ୍ୟ। ଜଣେ ବ୍ୟକ୍ତି ଟ୍ରେନ୍&zwnj;ରୁ ପଡ଼ି କ୍ଷତବିକ୍ଷତ ଅବସ୍ଥାରେ ଚିତ୍କାର କରୁଥିଲା ବେଳେ ସମସ୍ତେ ମୋବାଇଲ୍&zwnj;ରେ ଫଟୋ ଉଠାଇବାରେ ମାତିଥିଲେ। ବିଭିନ୍ନ ପୋଜ୍&zwnj;ରେ ଉଠୁଥିଲା ଫଟୋ। ହେଲେ କାହାକୁ ଶୁଭୁନଥିଲା, ମୋତେ ବଞ୍ଚାଅ ଚିତ୍କାର। ଇଏ କୌଣସି ଚଳଚ୍ଚିତ୍ରର ଦୃଶ୍ୟ ନଥିଲା। ଖୋଦ୍&zwnj; ସ୍ମାର୍ଟସିଟି ଭୁବନେଶ୍ୱରରେ ସମସ୍ତଙ୍କ ଆଖି ଆଗରେ ଘଟୁଥିଲା ଏମିତି ଘଟଣା। ନିଜକୁ ଖୁବ୍&zwnj; ସଭ୍ୟ ବୋଲି ମନେ କରୁଥିବା ରାଜଧାନୀବାସୀ ଯେ, କେତେ ଅମଣିଷ, କେତେ ସମ୍ବେଦନହୀନ, ଆଉ କେତେ ଅମାନବୀୟ ତା&rsquo;ର&nbsp; ଦୃଷ୍ଟାନ୍ତ ଆଜିର ଘଟଣାରୁ ପ୍ରମାଣିତ ହୋଇଛି।</p> <p>[vc_video link=&quot;&quot; align=&quot;center&quot;]</p> <p>ଘଟଣାଟି ଏମିତି। ଖଲ୍ଲିକୋଟ ଅଞ୍ଚଳର ରାଜେଶ ନାୟକ ନାମକ ଜଣେ ବ୍ୟକ୍ତି କୌଣସି କାମ ପାଇଁ ଭୁବନେଶ୍ୱର ଆସିଥିଲେ। ଘରକୁ ଫେରିବାକୁ ଏକ ଟ୍ରେନ୍&zwnj;ରେ ଉଠିବା ପାଇଁ ଉଦ୍ୟମ କରିବା ବେଳେ ଚଢି ନପାରି ତଳକୁ ଖସି ପଡ଼ିଥିଲେ। ବ୍ୟକ୍ତି ଜଣଙ୍କର ଜୀବନ ବଞ୍ଚି ଯାଇଥିଲା ସତ, ହେଲେ ଗୁରୁତର ଭାବେ ଆଘାତପ୍ରାପ୍ତ ହୋଇଥିଲେ। ଗୋଡ଼ରେ ଖଣ୍ଡିଆ ଖାବରା ହୋଇ ଧାରଧାର ରକ୍ତ ବୋହିଥିଲା। &nbsp;ଯନ୍ତ୍ରଣାରେ ସେ ଚିତ୍କାର କରୁଥିଲେ। ଡାକ୍ତରଖାନାକୁ ନେବା ପାଇଁ ନେହୁରା ହେଉଥିଲେ। ହେଲେ ତାଙ୍କ କଥା କେହି ଶୁଣୁ ନଥିଲେ। ବରଂ ସମସ୍ତେ ଫଟୋ ଉଠାଇବାରେ ମାତିଥିଲେ। ପ୍ରାୟ ୨୦ ମିନିଟ ରାଜେଶ ଛଟପଟ ହେବା ପରେ ତାଙ୍କୁ ୧୦୮ରେ ଡାକ୍ତରଖାନା ନିଆଯାଇଥିଲା। ଭରପୁର ଆଧୁନିକତା ଆଉ ଚାକଚକ୍ୟ ମଧ୍ୟରେ ରାଜଧାନୀବାସୀଙ୍କ ମଧ୍ୟରେ ମଣିଷ ପଣିଆ ଯେ ମରିଯାଉଛି ତାହା ଆଜିର ଚିତ୍ରରୁ ସ୍ପଷ୍ଟ ହୋଇଯାଇଛି।</p>