‘ଜଗା-କାଳିଆଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଅଛି’

<p>ଭୁବନେଶ୍ୱର: &nbsp;ଦିଲ୍ଲୀ ଏମ୍ସର ଚିକିତ୍ସାଧୀନ ଜଗା-କାଳିଆଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଅଛି। ସେମାନେ ସୁସ୍ଥ&nbsp; ଅଛନ୍ତି। ମାସେ ପର୍ଯ୍ୟନ୍ତ ଚିକିତ୍ସାରେ ରହିବେ ବୋଲି ଆଜି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା କହିଛନ୍ତି।</p> <p>ସେ କହିଛନ୍ତି,&ldquo;ଜଗା କାଳିଆଙ୍କ ଚିକିତ୍ସାରେ ଯାହା ଆବଶ୍ୟକ ହେବ ସବୁ ଯୋଗାଇ ଦିଆଯିବ।&rdquo;</p> <p>ପରସ୍ପରଠୁ ଅଲଗା ହେବା ପରେ ଦିଲ୍ଲୀ ଏମସ ଆଇସିୟୁରେ ଜଗା-କାଳିଆ ଅଛନ୍ତି। ଜନ୍ମପରଠୁ ପ୍ରଥମ ଥର ପାଇଁ ଦୁଇଟି ବେଡ୍&zwnj;ରେ ଅଲଗା ଅଲଗା ଶୋଇଛନ୍ତି ଜଗା ଓ କାଳିଆ।&nbsp; ଏବେ ଉଭୟଙ୍କୁ ଭେଣ୍ଟିଲେଟରରେ ରଖାଯାଇଛି। ନିଶ୍ଚେତକ ମାତ୍ରା କମିବା ପରେ ସେମାନଙ୍କ&nbsp; ଶରୀର ପରବର୍ତ୍ତୀ ଚିକିତ୍ସାକୁ କିପରି ଗ୍ରହଣ କରୁଛି ତାଉପରେ ଡାକ୍ତରୀ ଟିମ୍ ନଜର ରଖିଛନ୍ତି।&nbsp; ଦୁହେଁ ପ୍ରାୟ ୨ଦିନ ପର୍ଯ୍ୟନ୍ତ ଅବଜର୍ଭେସନରେ ରହିବେ। ଦିଲ୍ଲୀ ନ୍ୟୁରୋ ସର୍ଜରୀ ବିଭାଗ&nbsp; ମୁଖ୍ୟ ପ୍ରଫେସର ଡାକ୍ତର ଅଶୋକ ମହାପାତ୍ରଙ୍କ ନେତୃତ୍ୱରେ ପ୍ରାୟ ୪୦ଜଣ ଡାକ୍ତରଙ୍କୁ ନେଇ&nbsp; ଗଠିତ ସ୍ୱତନ୍ତ୍ର ଟିମ୍ ବୁଧବାର ୧୮ ଘଣ୍ଟାର ମାରାଥନ ଅସ୍ତ୍ରୋପଚାର ପରେ ଜଗା-କାଳିଆଙ୍କୁ&nbsp; ପୃଥକ୍ କରିଥିଲେ। ପ୍ରାଥମିକ ଭାବେ ଅସ୍ତ୍ରୋପଚାର ସଫଳତାର ସହ କରାଯାଇ ସେମାନଙ୍କୁ&nbsp; ଅଲଗା କରାଯାଇଥିବାରୁ ନୂଆ ଆଶା ସଞ୍ଚାର ହୋଇଛି। ଜଗା-କାଳିଆଙ୍କ ଆଶୁ&nbsp; ଆରୋଗ୍ୟ କାମନା କରି ରାଜ୍ୟ ବ୍ୟାପୀ ବିଭିନ୍ନ ସ୍ଥାନରେ ପୂଜାର୍ଚ୍ଚନା ଚାଲିଛି ।</p>