କଟକ: ଶ୍ରୀମନ୍ଦିର ଜଗମୋହନ ମରାମତି କାମ କେତେ ଆଗେଇଛି ସେ ନେଇ ସତ୍ୟାପାଠ ଦାଖଲ କରିବାକୁ ହାଇକୋର୍ଟ ଶ୍ରୀମନ୍ଦିର ପ୍ରଶାସନକୁ ଆଉ ୭ ଦିନ ସମୟ ଦେଇଛନ୍ତି। ଆଜି ଶ୍ରୀମନ୍ଦିର ପ୍ରଶାସନ ପକ୍ଷରୁ ସତ୍ୟପାଠ ଦାଖଲ କରାଯିବାର ଥିଲା। ହେଲେ ପ୍ରଶାସନ ସତ୍ୟପାଠ ଦାଖଲ କରିପାରି ନ ଥିଲା। ତେଣୁ କୋର୍ଟ ଆଉ ୭ ଦିନ ସମୟ ଦେଇଛନ୍ତି।
ଜଗମୋହନ ମରାମତି ପ୍ରସଙ୍ଗରେ ଏଏସ୍ଆଇ ଓ ମନ୍ଦିର ପ୍ରଶାସନର ମିଳିତ ବୈଠକ ହୋଇଛି। ତେଣୁ ଶୀଘ୍ର ମରାମତି କାର୍ଯ୍ୟ ସମ୍ପର୍କୀତ ତଥ୍ୟ ହାଇର୍କୋରେ ଦାଖଲ କରାଯିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ଆଜି ଯୁକ୍ତି ରଖାଯାଇଛି।
ଆସନ୍ତା ୧୭ ତାରିଖରେ ମାମଲାର ପରବର୍ତ୍ତି ଶୁଣାଣି ହେବ।