ପ୍ରତିକୂଳ ପାଗ ସତ୍ତ୍ୱେ ଚିଲିକାରେ ବିଦେଶୀ ପକ୍ଷୀଙ୍କ ସମାଗମ

<p>ବ୍ରହ୍ମଗିରି: ପ୍ରତିକୂଳ ପାଗ ସତ୍ତ୍ୱେ ଚିଲିକାରେ ବିଦେଶୀ ପକ୍ଷୀଙ୍କ ଆଗମନ ହୋଇଛି। ଯାହାକୁ ନେଇ ପକ୍ଷୀପ୍ରେମୀ ଏବଂ ପରିବେଶବିତଙ୍କ ଭିତରେ ଉତ୍ସାହ ଦେଖିବାକୁ ମିଳିଛି। ଅନ୍ୟପଟେ ପକ୍ଷୀ ସୁରକ୍ଷା ପାଇଁ ବ୍ୟାପକ ବନ୍ଦୋବସ୍ତ କରିବାକୁ ସାଧାରଣରେ ଦାବି ହୋଇଛି।</p> <p>ଅକ୍ଟୋବର ପ୍ରଥମ ସପ୍ତାହରୁ ଫ୍ଲେମିଙ୍ଗୋ ଓ ଏରା ପ୍ରଜାତିର ପକ୍ଷୀ ବହୁସଂଖ୍ୟାରେ&nbsp; ଚିଲିକାରେ ଦେଖିବାକୁ ମିଳୁଛନ୍ତି। ପ୍ରତିକୂଳ ପାଗ ସତ୍ତ୍ୱେ&nbsp; ଚିଲିକାରେ ବିଦେଶୀ ପକ୍ଷୀଙ୍କ ଆଗମନ ହେତୁ ପର୍ଯ୍ୟଟକଙ୍କ ବେଶ୍ ଭିଡ଼ ଦେଖିବାକୁ ମିଳୁଛି। ତେବେ ଅକ୍ଟୋବର ମାସ ଶେଷ ଆଡକୁ ଏଭଳି ବିଦେଶୀ ପକ୍ଷୀ ଦେଖିବାକୁ ମିଳୁଥିବାବେଳେ ଚଳିତ ବର୍ଷ&nbsp; ପକ୍ଷୀମାନଙ୍କ ଆଗୁଆ ଆଗମନକୁ ଶୁଭ ସଙ୍କେତ ଭାବେ ଗଣନା କରୁଛନ୍ତି ପରିବେଶବିତ୍&zwnj;।</p> <p>ଚିଲିକା ଆସିଥିବା ବିଦେଶୀ ପକ୍ଷୀଙ୍କୁ ଶିକାରୀ କବଳରୁ ସୁରକ୍ଷା ପାଇଁ ବନବିଭାଗ ପକ୍ଷରୁ ବ୍ୟାପକ&nbsp; ବନ୍ଦୋବସ୍ତ କରାଯାଇଛି। ଅକ୍ଟୋବର ୧ରୁ ଚିଲିକାରେ ୧୮ଟି ପକ୍ଷୀ ସୁରକ୍ଷା ଶିବିର କରାଯିବା ସହିତ&nbsp; ପାଟ୍ରୋଲିଂ କରାଯିବା ଉପରେ ଗୁରୁତ୍ୱ ଦିଆଯାଉଛି ।</p>