ସେ କହିଛି,“ମୋ ପରିବାରକୁ କ୍ଷତି ପହଞ୍ଚାଇବା ପାଇଁ ଚାହିଁବାରୁ ସ୍ତ୍ରୀକୁ ତଣ୍ଟି ଚିପି ମାରି ଦେଲି। ସେ ମୋ ମାଆକୁ ମାରଧର କରୁଥିଲା। ମୋ ବାପାଙ୍କ ନାଁରେ ମିଛ କେସ୍ ଦେଇଥିଲା। ବାପାଙ୍କ ନାଁରେ ଦେଇଥିବା କେସ୍ ଉଠାଇ ଦେବା ପାଇଁ କହିଥିଲି। ବାରମ୍ବାର ବୁଝେଇଲେ ବି ସେ ଶୁଣୁ ନ ଥିଲା। ଓଲଟି କହିଲା ମୋ ପରିବାରକୁ ଛାରଖାର କରିଦେବ। ମୁଁ ରାଗି ଗଲି। ମୁଁ ଥାଉ ଥାଉ ମୋ ପରିବାରକୁ କେହି ଛାରଖାର କରିପାରିବେନି ବୋଲି କହିଲି। ମୁଁ ତାକୁ ସ୍କୁଲ୍ରେ ତଣ୍ଟି ଚିପି ମାରି ଦେଲି।”
ଭାଗିରଥୀଙ୍କ ମୃତ ପତ୍ନୀଙ୍କ ନାମ ପ୍ରତିଭା। ସେ ପ୍ରତିଭାକୁ ପ୍ରେମ ବିବାହ କରିଥିଲା। ତେବେ ପ୍ରତିଭା ପୂର୍ବରୁ ବିବାହ କରିଥିଲେ। ପ୍ରଥମ ସ୍ୱାମୀଙ୍କ ଆଡୁ ତାଙ୍କର ଗୋଟିଏ ଝିଅ ଥିଲା। ପରେ ଦ୍ୱିତୀୟ ଝିଅ ଜନ୍ମ ହୋଇଥିଲା। ଗତକାଲି ରାତିରେ ଭାଗିରଥୀ ପ୍ରତିଭା ଓ ଦୁଇ ପିଲାଙ୍କୁ ଧରି ଭୁବନେଶ୍ୱର ବାହାରି ଥିଲା। ସେ ସେମାନଙ୍କୁ ସ୍ଥାନୀୟ ଜବାହାର ହାଇସ୍କୁଲ୍ ପରିସରକୁ ନେଇ ତଣ୍ଟି ଚିପି ହତ୍ୟା କରିଥିଲା।
ଅନ୍ୟପକ୍ଷରେ ଏ ହତ୍ୟାକାଣ୍ଡ ପଛରେ ପାରିବାରିକ କଳି ପ୍ରକୃତ କାରଣ ନା ଆଉ କିଛି କାରଣ ଅଛି ସେ ନେଇ ତନାଘନା ଚଳାଇଛି ପୋଲିସ୍।