ରାସ୍ତା ନଥିବାରୁ ଆସିପାରିଲାନି ଆମ୍ବୁଲାନ୍ସ, ଖଟିଆରେ ବୁହା ହେଲେ ପ୍ରସୂତି

<p>ନୟାଗଡ଼: ଥମୁନି ଜନନୀ ଯନ୍ତ୍ରଣା। କେଉଁଠି ଗଛ ମୂଳେ ମହିଳା ପ୍ରସବ କରୁଛନ୍ତି ତ ଆଉ କେଉଁଠି ରାସ୍ତା ନଥିବାରୁ ବୁହା ହୋଇ ଯାଉଛନ୍ତି ପ୍ରସୂତି। ପ୍ରଶାସନର ଖାମଖିଆଲ ମନୋଭାବ ହେଉ କି ଲୋକଙ୍କ ସଚେତନା ଅଭାବରୁ ବିପଦ ସଙ୍କୁଳ ଅବସ୍ଥାରେ ଡାକ୍ତରଖାନାକୁ ନିଆଯାଉଛି ପ୍ରସୂତିଙ୍କୁ। ଏପରି ଏକ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ଦଶପଲ୍ଲା ବ୍ଳକ୍ ଟାକରା ପଞ୍ଚାୟତରେ। ରାସ୍ତା ନଥିବାରୁ ଏକ କିଲୋମିଟର ଖଟିଆ ବୁହା ହୋଇ ଗଲେ ଜଣେ ପ୍ରସୂତି।</p> <p>ରଥିପୁର ମଠସାହି ଗାଁର ଦୁର୍ପଜ ନାୟକଙ୍କ ପତ୍ନୀଙ୍କ ଗର୍ଭଯତ୍ନଣା ହେବାରୁ&nbsp; ସେ ୧୦୮ ଆମ୍ୱୁଲାନ୍ସକୁ ଫୋନ୍&zwnj; କରିଥିଲେ। କିନ୍ତୁ ଗାଁକୁ&nbsp; ରାସ୍ତା ନଥିବାରୁ ଆମ୍ୱୁଲାନ୍ସ ଆସି ପାରି ନଥିଲା। ଫଳରେ ବାଟରେ ହିଁ ଆମ୍ୱୁଲାନ୍ସ ଅଟକି ଯାଇଥିଲା। ଶେଷରେ ଗ୍ରାମବାସୀଙ୍କ ସହାୟତାରେ ପ୍ରସୂତିଙ୍କୁ ଏକ ଖଟିଆରେ ଧରି ଆଣ୍ଠୁଏ ଗଭୀରର ନାଳ ପାର କରି ଏକ କିଲୋମିଟର ବୁହା ହୋଇ ନିଆଯାଇଥିଲା। ଗର୍ଭବତୀଙ୍କ ସ୍ୱାସ୍ଥ୍ୟାବସ୍ଥା ସୁସ୍ଥ ଥିବା ଜଣାପଡ଼ିଛି।</p> <p>ସୂଚନାଯୋଗ୍ୟ, ଅଗଷ୍ଟ ୩୧ ତାରିଖରେ ଅନୁଗୋଳ ଜିଲ୍ଲା କିଶୋର ନଗର ବ୍ଳକ୍ ଫୁଲଝରି ଗାଁରେ ଏପରି ଏକ ଅଭିଯୋଗ ଆସିଥିଲା। ଗର୍ଭବତୀଙ୍କ ନିକଟରେ ଠିକ୍&zwnj; ସମୟରେ ୧୦୨ ଆମ୍ୱୁଲାନ୍ସ ନ ପହଞ୍ଚିବାରୁ ଅଟୋରେ ସନ୍ତାନ ପ୍ରସବ କରିଥିଲେ।</p>