ବ୍ରହ୍ମପୁର(ଓଡ଼ିଶା ରିପୋର୍ଟର) ଆନ୍ଦୋଳନରୁ ଓହରିଲେ ଗଂଜାମ ଜିଲ୍ଲାର ସ୍ୱାସ୍ଥ୍ୟକର୍ମୀ । ଜିଲ୍ଲାପାଳଙ୍କ ସହିତ ଆଲୋଚନା ପରେ ତିନି ମାସର କଣ୍ଟ ଉପରେ ସହମତି ହୋଇଛି । ଗତକାଲି ସାରା ଦିନ ସାରା ରାତି ଧାରଣା ଦେବା ପରେ ଆଜି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଆନ୍ଦୋଳନକାରୀଙ୍କ ସହିତ ଆଲୋଚନା କରିଥିଲେ । ଘଣ୍ଟାଏ ଧରି ସ୍ୱାସ୍ଥ୍ୟକର୍ମୀଙ୍କ ପ୍ରତିନିଧି ଓ ଜିଲ୍ଲାପାଳଙ୍କ ମଧ୍ୟରେ ଦାବି ଉପରେ ଆଲୋଚନା ହୋଇଥିଲା । ତେବେ ଜିଲ୍ଲାପାଳ ୩ ମାସର କଣ୍ଟ ଦେଇଛନ୍ତି ।
ଏଥିସହ ଆସନ୍ତା ସୋମବାରଠାରୁ ପୁନଃନିଯୁକ୍ତି ପାଇଁ ପ୍ରତିଶ୍ରୁତି ଦେଇଛନ୍ତି ଜିଲ୍ଲାପାଳ । ବିନା ନୋଟିସ୍ରେ ଛଟେଇ କରାଯାଇଥିବା ଅଭିଯୋଗରେ ଗତକାଲି ଅପରାହ୍ନରୁ ଏହି ସ୍ୱାସ୍ଥ୍ୟକର୍ମୀମାନେ ଜିଲ୍ଲାପାଳଙ୍କ ଅଫିସ ସାମ୍ନାରେ ଧାରଣାରେ ବସିଥିଲେ । ସେମାନଙ୍କର ଅଭିଯୋଗ ଥିଲା ଯେ, ଦରକାର ବେଳେ ଚାକିରି ଦେଲେ, ଏବେ ନୋଟିସ୍ ବି ନ ଦେଇ ତଡ଼ି ଦେଉଛନ୍ତି । କରୋନା ବେଳେ ଜୀବନକୁ ବାଜି ଲଗାଇ କାମ କରିଥିବା ସ୍ୱାସ୍ଥ୍ୟ କର୍ମୀଙ୍କୁ ସରକାର ବହିଷ୍କାର କରିବା ପରେ ଏନ୍ଏମ୍, ଜିଏନ୍ଏମ ଓ ଫାର୍ମାସିଷ୍ଟ ଅସନ୍ତୋଷ ପ୍ରକାଶ କରିଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
