କଟକ: ଆର୍ଏସପି ୱାର୍କସ ବିଭାଗର ନିର୍ବାହୀ ନିର୍ଦ୍ଦେଶକ ବି.ପି ବର୍ମାଙ୍କ ଲାଞ୍ଚ କାରବାର ଏବଂ ତାଙ୍କ ଘରୁ ୨୦ ଲକ୍ଷ ଟଙ୍କାର ନୂଆ ୨୦୦୦ ଟଙ୍କା ନୋଟ୍ ଜବତ ପରେ ସିବିଆଇ ଖୋଳତାଡ଼ ଆରମ୍ଭ ହୋଇଛି। ଆଜି ସିବିଆଇର ୬ ଜଣିଆ ଟିମ୍ ୧୯ ନମ୍ବର ସେକ୍ଟର ସ୍ଥିତ ଏସବିଆଇ ଶାଖାରେ ବି.ପି ବର୍ମାଙ୍କ ଲକର ଯାଞ୍ଚ କରିଥିଲେ। ଏଥିରୁ ପ୍ରାୟ ୧୫ ଲକ୍ଷ ଟଙ୍କାର ସୁନା ଅଳଙ୍କାର ମିଳିଛି। ଏହାସହ ୬ ଲକ୍ଷ ୫୦ ହଜାର ଟଙ୍କାର ହୀରା ଗହଣା ଓ ୨ଟି ଦାମୀ ଘଣ୍ଟା ଠାବ କରାଯାଇଛି।
ଗତକାଲି ବର୍ମା ଏବଂ ତାଙ୍କ ପତ୍ନୀଙ୍କ ଜଏଣ୍ଟ ଆକାଉଣ୍ଟରେ ୨୯ ଲକ୍ଷ ୧୫ ହଜାର ନଗଦ ଟଙ୍କା ଥିବା ସିବିଆଇ ପକ୍ଷରୁ ସୂଚନା ଦିଆଯାଇଥିଲା।
ଟେଣ୍ଡର ପାସ୍ ପାଇଁ ୧ଲକ୍ଷ ଟଙ୍କା ଲାଞ୍ଚ ଅଭିଯୋଗରେ ବି.ପି. ବର୍ମାଙ୍କୁ ଗତକାଲି ଗିରଫ କରିଥିଲା ସିବିଆଇ। ତାଙ୍କ ଘରେ ଚଢ଼ାଉ ବେଳେ ୨୦ ଲକ୍ଷର ନୂଆ ୨ହଜାର ଟଙ୍କିଆ ନୋଟ୍ ମିଳିଥିଲା।ଲାଞ୍ଚ ଦେଉଥିବା ବ୍ୟକ୍ତିଙ୍କୁ ମଧ୍ୟ ଗିରଫ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
