ବାଲେଶ୍ୱର: ମହିଳାଙ୍କ ମଦ ବିରୋଧୀ ଅଭିଯାନ

ସୋର: ବାଲେଶ୍ୱର ଜିଲ୍ଲା ସୋର ଥାନା ଟେଣ୍ଟେଇ ପଞ୍ଚାୟତ ଷୋଳହାଟି ଗାଁରେ ମହିଳାମାନେ ଗତକାଲି ରାତିରେ ମଦ ବିରୋଧୀ ଅଭିଯାନ ଆରମ୍ଭ କରିଛନ୍ତି। ମହିଳାମାନେ ଠେଙ୍ଗା ଧରି ୪ ନମ୍ୱର ୱାର୍ଡ଼ରେ ଦେଶୀ ମଦ ବିକ୍ରି କରୁଥିବା ଜଣେ ବ୍ୟକ୍ତିଙ୍କ ଘରକୁ ଭାଙ୍ଗି ଦେଇଥିଲେ। ଫଳରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଖବର ପାଇ ସୋର ପୋଲିସ ଗାଁରେ ପହଞ୍ଚି ମଦ ବିକ୍ରି କରୁଥିବା ବ୍ୟକ୍ତିକୁ ଗିରଫ କରାଯିବ ବୋଲି ପ୍ରତିଶ୍ରୁତି ଦେବା ପରେ ଉତ୍ତେଜନା ପ୍ରଶମିତ ହୋଇଥିଲା।