ଭୁବନେଶ୍ୱର: ରୋଜଭ୍ୟାଲି ଚିଟ୍ଫଣ୍ଡ ଠକେଇ ମାମଲାରେ ରିମାଣ୍ଡରେ ଥିବା ଟିଏମ୍ସି ସାଂସଦ ତାପସ୍ ପାଲଙ୍କ ଝିଅ ସୋହିନୀ ପାଲ ଆଜି ସିବିଆଇରେ ହାଜର ହୋଇଛନ୍ତି। ନୋଟିସ୍ ମୁତାବକ ସୋହିନୀ ଆଜି ଭୁବନେଶ୍ୱର ଆସି ହାଜର ହୋଇଥିଲେ।
ତାପସ୍ ରୋଜଭ୍ୟାଲି କମ୍ପାନୀର ନିର୍ଦ୍ଦେଶକ ଥିବା ବେଳେ ଝିଅ, ପତ୍ନୀ ଓ ଭାଣିଜୀଙ୍କୁ ବିଭିନ୍ନ ପଦବୀରେ ନିଯୁକ୍ତି ଦେଇଥିଲେ। ସୋହିନୀ କେଉଁ ପଦବୀରେ ଥିଲେ ଓ ତାଙ୍କ ସମୟରେ କେତେ ଟଙ୍କା କାରବାର ହୋଇଛି ସେ ନେଇ ସିବିଆଇ ଜାଣିବାକୁ ଚାହିଁଛି।
ମାନସିକ ଅବସ୍ଥା ଭଲ ନ ଥିବାରୁ ତାପସଙ୍କୁ ଆଜି ଚିକିତ୍ସା ପାଇଁ ହସ୍ପିଟାଲକୁ ନିଆଯାଇଥିଲା। ତାପସ ସୁସ୍ଥ ନ ଥିଲେ ମଧ୍ୟ ସିବିଆଇ ଜେରାର ସମ୍ମୁଖୀନ ହୋଇପାରିବେ ବୋଲି ଚିକିତ୍ସା କରୁଥିବା ଡାକ୍ତର କହିଛନ୍ତି।
ଅନ୍ୟପକ୍ଷରେ ଦୁର୍ନୀତିରେ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋ ସମ୍ପୃକ୍ତ ଥିବା ନେଇ ତାପସ୍ କରିଥିବା ଅଭିଯୋଗ ଉପରେ ସେ ପ୍ରତିକ୍ରିୟା ରଖିଛନ୍ତି। ଟ୍ୱିଟ୍ କରି ସୁପ୍ରିୟୋ କହିଛନ୍ତି ଏ ନେଇ ସେ ମାନହାନୀ ମୋକଦ୍ଦମା କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
