କଟକ: ୪ ଡକାୟତ ଗିରଫ, ମାରଣାସ୍ତ୍ର ଜବତ

କଟକ: କଟକ ବିଡାନାସୀ ଥାନା ଅନ୍ତର୍ଗତ ସତୀଚଉରାରେ ଏକ ନିଛାଟିଆ ସ୍ଥାନରେ ୪ ଜଣ ଯୁବକ ଡକାୟତି ପାଇଁ ଯୋଜନା କରୁଥିଲେ। ଏ ସମ୍ପର୍କରେ କମିଶନରେଟ୍‌ ପୋଲିସ ଜାଣିପାରି ସେହି ଅଞ୍ଚଳରେ ଚଢ଼ାଉ କରି ସେମାନଙ୍କୁ ଗିରଫ କରିବାରେ ସଫଳ ହୋଇଥିଲା। ସେମାନଙ୍କଠାରୁ ପୋଲିସ ଗୋଟିଏ ପିସ୍ତଲ, ୩ଟି ଅଫୁଟା ଗୁଳି, ୩ଟି ବାଇକ, ୩ଟି ମୋବାଇଲ ଓ ଗୋଟିଏ ଭୁଜାଲି ଜବତ କରିଥିଲା। ଗିରଫ ସମସ୍ତ ଅଭିଯୁକ୍ତ ବିଡାନାସୀ ଅଞ୍ଚଳର। ଏମାନଙ୍କ ନାଁରେ ବିଭିନ୍ନ ଥାନାରେ ମାମଲା ରହିଛି।

ସେହିପରି ଚୌଦ୍ୱାର ଥାନା ପୋଲିସ୍‌ ଆଜି ଜଣେ କୁଖ୍ୟାତ ଅପରାଧୀକୁ ଗିରଫ କରିଛି। ପୋଲିସ୍‌ ତା’ଠାରୁ ବହୁ ଚୋରି ସାମଗ୍ରୀ ଜବତ କରିଛି।