ଅନୁଗୋଳ: ଅନୁଗୋଳ ଜିଲ୍ଲା କଣିହାଁ ଥାନା ଅନ୍ତର୍ଗତ ଦେଭୂଇଁ ଗାଁରେ ଆଜି ମା’, ଝିଅଙ୍କ ମୃତଦେହ ଏକ କୂଅରୁ ପୋଲିସ ଉଦ୍ଧାର କରିଛି। ମୃତକ ମାନେ ହେଲେ ଟୁନା ପ୍ରଧାନଙ୍କ ପତ୍ନୀ ଉରୀ ପ୍ରଧାନ ଏବଂ ତାଙ୍କ ୫ ବର୍ଷର ଝିଅ ସନି ପ୍ରଧାନ। ମୃତ୍ୟୁର କାରଣ ଜଣାପଡି ନ ଥିବା ବେଳେ ପୋଲିସ ଶବ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି।
ମା’ ଝିଅଙ୍କୁ ଟୁନା ହତ୍ୟା କରିବା ପରେ ଆତ୍ମହତ୍ୟାର ରୂପ ଦେବାକୁ କୂଅରେ ଫିଙ୍ଗି ଦେଇଥିବା ମୃତା ଉରୀଙ୍କ ବାପଘର ଲୋକେ ଅଭିଯୋଗ କରିଛନ୍ତି। ପୋଲିସ ଟୁନାଙ୍କୁ ଅଟକ ରଖି ପଚରାଉଚରା କରୁଛି।
ଆଜି ସକାଳେ ଉରୀ ଏବଂ ତାଙ୍କ ଝିଅର ମୃତଦେହ କୂଅରେ ଭାସୁ ଥିବା ଦେଖି ପଡ଼ୋଶୀ ପୋଲିସକୁ ଖବର ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବିଭାଗ କର୍ମଚାରୀଙ୍କ ସହାୟତାରେ କୂଅରୁ ମୃତଦେହ ଉଦ୍ଧାର କରିଥିଲା।