ବ୍ରାହ୍ମଣଝରିଲୋ ମଦ ବ୍ୟବସାୟୀ ହତ୍ୟା ଘଟଣା:  ୩ ଅଟକ

କଟକ: କଟକ ବ୍ରାହ୍ମଣଝରିଲୋ ମଦ ବ୍ୟବସାୟୀ ତଥା ଠିକାଦାର ବିନୋଦ ଦାସ ହତ୍ୟା ଘଟଣାରେ ୩ ଜଣଙ୍କୁ କମିଶନରେଟ୍ ପୋଲିସ ଅଟକ ରଖିଛି। ସେମାନଙ୍କ ଠାରୁ ଗୁଳି, ବନ୍ଧୁକ ଓ ମୋବାଇଲ୍ ଫୋନ ଜବତ ହୋଇଛି। ଗତ ଡିସେମ୍ୱର ୬ ତାରିଖରେ ବିନୋଦ ବ୍ରାହ୍ମଣଝରିଲୋସ୍ଥିତ ତାଙ୍କ ଭାଇଙ୍କ ମଦ ଦୋକାନ ନିକଟ ନିଜର କନଷ୍ଟ୍ରକ୍ସନ୍ ସାଇଟରେ ଥିବାବେଳେ ୨ଟି ବାଇକରେ ୩ଜଣ ଯୁବକ ଆସି ପ୍ରଥମେ ମଦ ଦୋକାନ ଆଗରେ ବୋମାମାଡ଼ କରିଥିଲେ।

ପରେ ସେମାନେ ବିନୋଦଙ୍କୁ ୭ ରାଉଣ୍ଡ ଗୁଳିମାଡ଼ କରି ଫେରାର ହୋଇଯାଇଥିଲେ। ଗୁରୁତର ଅବସ୍ଥାରେ ବିନୋଦଙ୍କୁ ପ୍ରଥମେ କଟକ ବଡ଼ ମେଡିକାଲ ଓ ପରେ ଏକ ଘରୋଇ ହସ୍ପିଟାଲକୁ ନିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା।