ରାୟଗଡା: ରାୟଗଡା ଜିଲ୍ଲା ପଦ୍ମପୁର ତହସିଲଦାରଙ୍କ ସରକାରୀ ବାସଭବନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି ହୋଇଛି। ଆଜି ଏ ସମ୍ପର୍କରେ ତହସିଲଦାର ଟି.ପଦ୍ମନାଭ ଦୋରା ଥାନାରେ ଅଭିଯୋଗ କରିବା ପରେ ପୋଲିସ୍ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ତହସିଲଦାର ଦୋରା କୌଣସି କାମରେ ବ୍ରହ୍ମପୁର ଯାଇଥିଲେ। ଆଜି ଆସିବା ପରେ ଘରର ଗ୍ରୀଲର ତାଲା ଭଙ୍ଗା ଯାଇ ଦୁଇଟି କମ୍ପ୍ୟୁଟର ହାର୍ଡ ଡିସ୍କ ଚୋରି ହୋଇଥିବା ଜାଣିବାକୁ ପାଇଥିଲେ। ଦୁର୍ବୃତ୍ତମାନେ ମାଲମିରାର ତାଲା ଭାଙ୍ଗି କିଛି ଟଙ୍କା, ୪ଟି ସୁନା ଚୁଡ଼ି ଓ ଗୋଟିଏ ମଙ୍ଗଳସୂତ୍ର ନେଇଯାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।