ବାଲେଶ୍ୱର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାଲେଶ୍ୱର ଜିଲ୍ଲା ଜଳ ଓ ପରିମଳ ବିଭାଗର ଜିଲ୍ଲା ସଂଯୋଜକ ତୁଷାରକାନ୍ତ ରାଜଙ୍କ ଘର ଓ ଅଫିସ ସହ ୬ଟି ସ୍ଥାନରେ ଆଜି ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି।
ତୁଷାରକାନ୍ତଙ୍କ ବାଲେଶ୍ୱର ସ୍ଥିତ ଗ୍ରାମ୍ୟ ଜଳ ଓ ପରିମଳ ବିଭାଗ କାର୍ଯ୍ୟାଳୟ, ରାଜାବଗିଚାସ୍ଥିତ ଘର, ବାହାନଗା ପଥିପେଣ୍ଠସ୍ଥିତ ଘର, ଅଙ୍ଗାରଗଡ଼ିଆରେ ଥିବା ଅନ୍ୟ ଏକ ଘର, ଭୁବନେଶ୍ୱର ନୟାପଲ୍ଲୀରେ ଥିବା ରାଜାରାଣୀ ଟାୱାରରେ କିଣା ଯାଇଥିବା ଘର ଓ ଔପଦା ଅଞ୍ଚଳର ତୁଷାରଙ୍କ ଶ୍ୱଶୁର ଘରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି।
ତୁଷାରକାନ୍ତ ଦୀର୍ଘଦିନ ଧରି ଜିଲ୍ଲା ଜଳ ଓ ପରିମଳ ବିଭାଗର ଜିଲ୍ଲା ସଂଯୋଜକ ଭାବେ କାର୍ଯ୍ୟ କରୁଛନ୍ତି। ତାଙ୍କ ବିରୋଧରେ ବିଭିନ୍ନ ସରକାରୀ ଯୋଜନାରେ ଅର୍ଥ ହେରଫେର ଓ ଆୟ ବହିର୍ଭୁତ ସମ୍ପତ୍ତି ଠୁଳ ସମ୍ପର୍କରେ ଭିଜିଲାନ୍ସ ବିଭାଗ ନିକଟରେ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତିକରି ବାଲେଶ୍ୱର ଜିଲ୍ଲା ଭିଜିଲାନ୍ସ ତରଫରୁ ମାମଲା ରୁଜୁ କରାଯାଇ ଚଢ଼ାଉ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
