ୟୁକୋ ବ୍ୟାଙ୍କ ଡକାୟତି ଘଟଣାର ଗୁମର ଖୋଲିବ ପୋଲିସ୍‌

ଭୁବନେଶ୍ୱର: ଭୁବନେଶ୍ୱର ରାଜମହଲ ୟୁକୋ ବ୍ୟାଙ୍କ ଡକାୟତି ଘଟଣାର ଗୁମର ଖୋଲିବ। ଏ ସମ୍ପର୍କରେ ଭୁବନେଶ୍ୱର କମିଶନରେଟ୍‌ ପୋଲିସ୍‌ କୌଣସି ସୂଚନା ଦେଇ ନ ଥିଲେ ମଧ୍ୟ ଡକାୟତି ଘଟଣାର ପର୍ଦ୍ଦାଫାସ କରାଯିବ ବୋଲି କହିଛି।

ୟୁକୋ ବ୍ୟାଙ୍କ ଡକାୟତି ଘଟଣାରେ ସମ୍ପୃକ୍ତ ଦୁଇ ଅଭିଯୁକ୍ତ ରାଜ୍ୟ ବାହାରୁ ଗିରଫ ହୋଇଛନ୍ତି। ସେମାନଙ୍କୁ କମିଶନରେଟ୍‌ ପୋଲିସ ଓଡ଼ିଶା ଆଣୁଛି। ସେମାନେ ପୂର୍ବ ଭାରତର ବିଭିନ୍ନ ରାଜ୍ୟରେ ମୋଷ୍ଟୱାଣ୍ଟେଡ ଥିଲେ। ୨୦ରୁ ଅଧିକ ଡକାୟତି ଘଟଣାରେ ସେମାନେ ସମ୍ପୃକ୍ତ ଅଛନ୍ତି।

ପଚରାଉଚରା ପରେ ୟୁକୋ ବ୍ୟାଙ୍କ ଡକାୟତି କିପରି ହେଲା ଓ ଏଥିପାଇଁ କେତେଦିନ ଆଗରୁ ଯୋଜନା ହୋଇଥିଲା ଜଣାପଡ଼ିବ ବୋଲି କମିଶନରେଟ୍‌ ପୋଲିସ୍‌ କହିଛି।

ଗତ ସେପ୍ଟେମ୍ୱର ୨୮ ତାରିଖରେ ୟୁକୋ ବ୍ୟାଙ୍କରେ ଡକାୟତି ହୋଇଥିଲା। ନଗଦ ୧୩ ଲକ୍ଷ ସହ ୭୨ ପ୍ୟାକେଟ୍‌ ସୁନାକୁ ମିଶାଇ ମୋଟ୍‌ ୫୦ ଲକ୍ଷ ଟଙ୍କାର ସମ୍ପତ୍ତି ଲୁଟ୍‌ ହୋଇଥିଲା। ବ୍ୟାଙ୍କ କର୍ମଚାରୀ ଓ ଗ୍ରାହକଙ୍କୁ ବନ୍ଧୁକ ଦେଖାଇ ଏହି ଡକାୟତି କରାଯାଇଥିଲା।