ବ୍ରହ୍ମପୁର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବ୍ରହ୍ମପୁର ଡେଭଲପମେଣ୍ଟ୍ ଅଥରଟିର ପ୍ଲାନିଂ ମେମ୍ବର ରାଜ କିଶୋର ସାହୁଙ୍କ ଘରେ ଆଜି ଭିଜିଲାନ୍ସ ଚଢ଼ାଉ କରିଛି। ରାଜ କିଶୋରଙ୍କ ଶ୍ୱଶୁର ଘର,ପୈତୃକ ଘର,ଅଫିସ ଓ ରାଉରକେଲାର ଥିବା ତାଙ୍କ ଚାଟାର୍ଡ ଆକାଉଣ୍ଟଙ୍କ ଘରେ ଏକାକାଳୀନ ଚଢ଼ାଉ କରାଯାଇଛି।
ବ୍ରହ୍ମପୁର ଭିଜିଲାନ୍ସ ଏସପି ଅମୂଲ୍ୟ ରଞ୍ଜନ ଦାସ କହିଛନ୍ତି, “ଚଢ଼ାଉ ବେଳେ ଭୁବନେଶ୍ୱରରେ ରାଜ କିଶୋରଙ୍କର ଏକ ଫ୍ଲାଟ୍ ଠାବ କରାଯାଇଛି। ତାଙ୍କର୧୪ ଲକ୍ଷ ଟଙ୍କା ପୋଷ୍ଟାଲ ଡିପୋଜିଟ୍ ଓ ପ୍ରାୟ ୨୦ ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍ ଅଛି।”
ସେ କହିଛନ୍ତି, “ବ୍ରହ୍ମପୁରରେ ଏକ ଫ୍ଲାଟ କିଣିବା ପାଇଁ ରାଜ କିଶୋର ୧୩ ଲକ୍ଷ ଟଙ୍କା ଅଗ୍ରୀମ ଦେଇଛନ୍ତି। ”