କେନ୍ଦୁଝର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ଧନୁର୍ଜୟପୁର ଗ୍ରାମ ପଞ୍ଚାୟତର ନିଲମ୍ବିତ ଭିଏଲ୍ଡବ୍ଲ୍ୟୁ ରାମଚନ୍ଦ୍ର ମହାନ୍ତିଙ୍କ ଘରେ ଆଜି ଭିଜିଲାନ୍ସ ଚଢ଼ାଉ କରିଛି। ରାମଚନ୍ଦ୍ରଙ୍କ ଉଖୁଣ୍ଡାସ୍ଥିତ ପୈତୃକ ବାସଭବନ, ଶ୍ୱଶୁରଘର, ଷ୍ଟୋନ୍ କ୍ରସର ଓ ଇଟାଭାଟିରେ ଏକକାଳୀନ ଭିଜିଲାନ୍ସ ଚଢ଼ାଉ କରିଛି। ଚଢାଉ ବେଳେ ୬ହଜାର ବର୍ଗଫୁଟରୁ ଊର୍ଦ୍ଧ୍ୱ ୨ମହଲା ଛାତଘର,୨ଟି ଜେସିବି ମେସିନ୍, ଗୋଟିଏ ଡମ୍ପର,ଗୋଟିଏ ଟ୍ରାକ୍ଟର,କାର ଓ ମଟର ସାଇକେଲ ଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏହାର ଆନୁମାନିକ ମୂଲ୍ୟ ୧କୋଟିରୁ ଊର୍ଦ୍ଧ୍ୱ ହେବ।
ସୂଚନାଯୋଗ୍ୟ, ପୂର୍ବରୁ ବାରିଆ ଥାନାରେ ରାମଚନ୍ଦ୍ର ମହାନ୍ତଙ୍କ ନାଁରେ ଏକ ଦୁଷ୍କର୍ମ ଅଭିଯୋଗ ହୋଇଥିଲା। ସେଥିପାଇଁ ତାଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଥିଲା । ସେହି ଦିନରୁ ରାମଚନ୍ଦ୍ର ଫେରାର୍ ଥିଲେ। ଜିଲ୍ଲା ପୋଲିସ୍ ରାମଚନ୍ଦ୍ରଙ୍କୁ ତାଙ୍କ ଶ୍ୱଶୁର ଘରୁ ଗିରଫ କରିଛି ।