ଆନନ୍ଦପୁର: ଚୋରାକାଠ ଗାଡିକୁ ପିଛା କଲାବେଳେ ଦୁର୍ଘଟଣା, ୪ ବନ କର୍ମଚାରୀ ଆହତ

ଆନନ୍ଦପୁର: ଆନନ୍ଦପୁର ବନ ବିଭାଗର କିଛି କର୍ମଚାରୀ ଆଜି ସକାଳେ ଚୋରା କାଠ ଗାଡିକୁ ଧରିବା ପାଇଁ ପିଛା କରୁଥିବା ବେଳେ ଘସିପୁରା ବ୍ଲକ ଦାନ୍ତିଆଠାରେ ଗାଡିଟି ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା। ଗାଡିରେ ମୋଟ ୬ ଜଣ କର୍ମଚାରୀ ଥିଲେ। ଦୁର୍ଘଟଣାରେ ୪ ଜଣ  କର୍ମଚାରୀ ଆହତ ହୋଇଛନ୍ତି। ସେମାନେ ହେଲେ ଆନନ୍ଦପୁର ବିଟ୍ ଇନଚାର୍ଜ ଅଭିନାଶ ପରିଡା, ସ୍ୱାର୍ଡ କର୍ମଚାରୀ ଶଶିକାନ୍ତ ଜେନା, ହରିହର ମୁର୍ମୁ, କିଶୋର ଚନ୍ଦ୍ର ମୁର୍ମୁ। ଆହତମାନଙ୍କୁ ଚିକିତ୍ସା ପାଇଁ ଆନନ୍ଦପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।