କଟକ/ଯାଜପୁର: ଛାତ୍ର ସଂସଦ ନିର୍ବାଚନକୁ କେନ୍ଦ୍ର କରି କଟକ ନେତାଜୀ ମେମୋରିଆଲ୍ ସିଟି କଲେଜରେ ଆଜି ରାତିରେ ଦେଖାଯାଇଛି ଉତ୍ତେଜନା। ଦୁଇ ଗୋଷ୍ଠୀ ଛାତ୍ରଙ୍କ ମଧ୍ୟରେ ଗଣ୍ଡଗୋଳ ପରେ ଗୋଟିଏ ଗୋଷ୍ଠୀର ଛାତ୍ର ଆଜି ବାଦାମବାଡ଼ି ଥାନା ଘେରାଉ କରିଛନ୍ତି। ଅପରଗୋଷ୍ଠୀ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଏହି ଛାତ୍ରମାନେ ଥାନା ଘେରାଉ କରିବା ସହ ବାଦାମବାଡ଼ି ଛକରେ ରାସ୍ତା ଅବରୋଧ କରିଛନ୍ତି। ଫଳରେ ଯାନବାହନ ଚଳାଚଳରେ ବାଧା ସୃଷ୍ଟି ହୋଇଛି।
ସେହିପରି ଯାଜପୁରରୋଡ୍ ସ୍ଥିତ ବ୍ୟାସନଗର ସ୍ୱୟଂଶାସିତ କଲେଜରେ ମଧ୍ୟ ଆଜି ରାତିରେ ଦେଖାଯାଇଛି ନିର୍ବାଚନୀ ହିଂସା। ଏଠାରେ ଜଣେ ପ୍ରାର୍ଥୀଙ୍କୁ ଅପହରଣ କରି ନିଆଯାଇଥିବା ଅଭିଯୋଗ ହୋଇଛି।