ଦେବଗଡ଼: ନିଖୋଜ ମହିଳାଙ୍କ ମୃତଦେହ ପୋଖରୀରୁ ମିଳିଲା

ଦେବଗଡ଼ ଜିଲ୍ଲା ସଦର ମହକୁମା ସ୍ଥିତ ଭିତିରିଆ ସାହିରୁ ଗୁରୁବାର ଠାରୁ ନିଖୋଜ ଥିବା ମହିଳାଙ୍କ ମୃତଦେହ ଗୋହିରୀ ବନ୍ଧରୁ ଜବତ କରାଯାଇଛି। ଗତକାଲି ସକାଳୁ ଏହି ମହିଳା ଜଣଙ୍କ ଘରୁ ନିଖୋଜ ଥିଲେ। ପରିବାର ଲୋକେ ଖୋଜାଖୋଜି ମଧ୍ୟ ତାଙ୍କୁ ପାଇ ନ ଥିଲେ। ପରେ ଆଜି ସକାଳୁ ପୁଣି ସହରର ବିଭିନ୍ନ ସ୍ଥାନରେ ତାଙ୍କୁ ଖୋଜା ଯାଇଥିଲା। ପରେ ଗୋହିରୀ ବନ୍ଧରେ ତାଙ୍କର ମୃତଦେହ ମିଳିଥିଲା। ମୃତଦେହଟି ମୁହଁମାଡ଼ି ଭାସୁଥିଲା। ପୋଲିସ୍ ଘଟଣାସ୍ଥଳରେ ପହଞ୍ଚି ଶବଟିକୁ ଜବତ କରିଥିଲା। ପୋଲିସ୍ ଏକ ମାମଲା ରୁଜୁ କରି ତଦନ୍ତ ଚଳାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।