ଢେଙ୍କାନାଳ: ବାଲିକୋ ପଞ୍ଚାୟତରେ ପଥର ନିଲାମକୁ ନେଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି। ତହସିଲ ପକ୍ଷରୁ କେଶରପୁର ଜଙ୍ଗଲକୁ ନିଲାମ କରାଯାଉଛି । ଯାହାକୁ ସ୍ଥାନୀୟ ଗ୍ରାମବାସୀ ବିରୋଧ କରିଛନ୍ତି । ସେମାନେ ଅଭିଯୋଗ କରିଛନ୍ତି ଯେ, ଏହି ଜଙ୍ଗଲ ଉପରେ ୫ଟି ଗାଁର ଲୋକେ ନିର୍ଭର କରୁଛନ୍ତି। ଏପରି କି ଜଙ୍ଗଲର ସୁରକ୍ଷା ପାଇଁ ଲୋକେ ପାଳି କରି ଜଗୁଛନ୍ତି। ଏହସହ ପାହାଡ ପାଦଦେଶରେ ଶାଗୁଆନ ଗଛ ଲଗାଇଛନ୍ତି। ପାହାଡରୁ ପଥର ଉତ୍ତୋଳନ ଲାଗି ନିଲାମ ଦିଆଗଲେ ଏଠାରେ ପରିବେଶ ନଷ୍ଟ ହୋଇଯିବ ବୋଲି ସେମାନେ ଅଭିଯୋଗ କରିଛନ୍ତି। ଏନେଇ ଉପଜିଲ୍ଲାପାଳଙ୍କୁ ଯୋଗାଯୋଗ କରାଯିବାରେ ମାଇନିଂ ପ୍ଲାନ ଆସିବା ପରେ ନିଲାମ ପ୍ରକ୍ରିୟା ଆରମ୍ଭ ହୋଇଛି ବୋଲି ସେ କହିଛନ୍ତି।