ଭବାନୀପାଟଣା: କଳାହାଣ୍ଡି ଜିଲ୍ଲା ଧର୍ମଗଡ଼ ସ୍ଥିତ ନର୍ଲା ଷ୍ଟ୍ରକ୍ଚରରେ ବିଦ୍ୟୁତ ଆଘାତରେ ଆହତ ଠିକା ଶ୍ରମିକ ଲଳିତ ମାଝିଙ୍କର ଗତକାଲି ବିଳମ୍ୱିତ ରାତିରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ମୃତଦେହ ଜୟପାଟଣାରେ ପହଞ୍ଚିବା ପରେ ଉତ୍ତେଜନା ପ୍ରକାଶ ପାଇଥିଲା। ଉତ୍ତ୍ୟକ୍ତ ଲୋକେ କ୍ଷତିପୂରଣ ଦାବିରେ ୨୬ ନମ୍ୱର ଜାତୀୟ ରାଜପଥ ଅବରୋଧ କରିଛନ୍ତି। ଫଳରେ ନବରଙ୍ଗପୁର-ଜୁନାଗଡ଼, ଭବାନୀପାଟଣା, ନବରଙ୍ଗପୁର, ଜୟପୁର ଓ ବଲାଙ୍ଗିର ମଧ୍ୟରେ ଗାଡ଼ି ଚଳାଚଳ ଏକ ପ୍ରକାର ଠପ୍ ହୋଇଯାଇଛି।
ଗତ ୧୯ ତାରିଖରେ ଲଳିତ ଏକ ବିଦ୍ୟୁତ ଖୁଣ୍ଟରେ ମରାମତି କରୁଥିବା ବେଳେ ଆହତ ହୋଇଥିଲେ। ତାଙ୍କୁ ବୁର୍ଲା ମେଡ଼ିକାଲରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।