କଟକ: ଶିଶୁ ଭବନରେ ୩ ନବଜାତଙ୍କ ମୃତ୍ୟୁ ଘଟଣାର ତଦନ୍ତ ଆରମ୍ଭ

କଟକ: ଅବହେଳାରୁ କଟକ ଶିଶୁ ଭବନରେ ୩ ଜଣ ନବଜାତ ଶିଶୁଙ୍କ ମୃତ୍ୟୁ ଅଭିଯୋଗର ବିଭାଗୀୟ ତଦନ୍ତ ଆରମ୍ଭ ହୋଇଛି। ମେଡିକାଲର ଏକ ୪ ଜଣିଆ କମିଟି ଘଟଣାର ତଦନ୍ତ କରୁଛି। କେଉଁ ପରିସ୍ଥିତିରେ ଏବଂ କାହିଁକି ଶିଶୁଙ୍କ ମୃତ୍ୟୁ ହେଲା କମିଟି ତାର ଯାଂଚ କରିବ। ମୃତ ଶିଶୁଙ୍କ ବାପା ମାଆ ଏବଂ ସେ ସମୟରେ ଉପସ୍ଥିତ ଡାକ୍ତର ଓ ନର୍ସଙ୍କୁ ପଚରାଉଚରା କରି କମିଟି ରିପୋର୍ଟ ପ୍ରଦାନ ଦେବ।   କଟକ ଶିଶୁ ଭବନରେ ଗୋଟିଏ ରାତିରେ ଏକାଥରେ ତିନି ଜଣ ନବଜାତକଙ୍କ ମୃତ୍ୟୁ ଅଭିଯୋଗ ହୋଇଥିଲା। ଚିକିତ୍ସା ଅବହେଳାରୁ ଏହି ଶିଶୁମାନଙ୍କ ମୃତ୍ୟୁ ଘଟିଥିବା ମୃତ ୨ଟି ଶିଶୁଙ୍କ ପରିବାର ଲୋକେ ଅଭିଯୋଗ କରି ଲାଲବାଗ ଥାନାରେ ଏତଲା ଦେଇଥିଲେ।