ନୟାଗଡ଼: ନୟାଗଡ଼ ଜିଲ୍ଲା ଓଡ଼ଗାଁ ନିକଟ ପଥରା ଗାଁରୁ ଏକ ୧୪ ଫୁଟ ଲମ୍ବର ଅହିରାଜ ସାପ ଉଦ୍ଧାର କରାଯାଇଛି। ଚାଷ ଜମି ନିକଟରେ ଥିବା ଏକ ପରିତ୍ୟକ୍ତ ବାମ୍ପିରେ ସାପଟି ପଡିଯାଇଥିଲା। ସାପଟିକୁ ଦେଖି ସ୍ଥାନୀୟ ଲୋକ ପିପୁଲ ଫର୍ ଆନିମଲ୍ ଓ ବନ ବିଭାଗକୁ ଖବର ଦେଇଥିଲେ। ବନ ବିଭାଗ ଅଧିକାରୀ, ପିପୁଲ ଫର୍ ଆନିମଲ୍ କର୍ମକର୍ତ୍ତା ସେଠାରେ ପହଞ୍ଚି ଅହିରାଜକୁ ଉଦ୍ଧାର କରିଥିଲେ। ସାପଟିକୁ ଦେଖିବା ପାଇଁ ସ୍ଥାନୀୟ ଅଞ୍ଚଳରେ ପ୍ରବଳ ଗହଳି ହୋଇଥିଲା। ଉଦ୍ଧାର ପରେ ଅହିରାଜକୁ ଜଙ୍ଗଲରେ ଛାଡି ଦିଆଯାଇଛି।