ରେଡ୍‌ କାର୍ପେଟ୍‌କୁ ଓହ୍ଲାଇବା ପୂର୍ବରୁ ଝିଅ ସହ ଏମିତି ଅନ୍ଦାଜରେ ନଜର ଆସିଲେ ଐଶ୍ୱର୍ଯ୍ୟା

ମୁମ୍ବାଇ: ବିଶ୍ୱସୁନ୍ଦରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କ କାନ୍ସ ଫେସ୍ଟିଭାଲ୍‌ ଲୁକ୍‌କୁ ଯେତିକି ବି ପ୍ରଶଂସା କଲେ କମ୍‌ ପଡ଼ିବ।  ଶନିବାର ଐଶ୍‌ ପିନ୍ଧିଥିବା ବଟରଫ୍ଲାଏ ପ୍ରିଣ୍ଟେଡ୍‌ ସ୍ଲିଭ୍‌ଲେସ୍‌ ଗାଉନ୍‌ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ଏହାକୁ ଡିଜାଇନ୍‌ କରିଥିଲେ ଦୁବାଇର ମିସେଲ୍‌ ସିନ୍‌କୋ।  ରବିବାର ଦିନ ଶିମରୀ ଗାଉନ୍‌ ପିନ୍ଧି ରେଡ୍‌ କାର୍ପେଟ୍‌କୁ ଓହ୍ଲାଇଥିବା ଐଶ୍ୱର୍ଯ୍ୟା ଖୁବ୍‌ ସୁନ୍ଦର ଲାଗୁଥିଲେ। ନିଜ ଲୁକ୍‌ସହ ସବୁବେଳେ  କିଛି ନା କିଛି ଏକ୍ସପେରିମେଣ୍ଟ କରୁଥିବା ଐଶ୍‌ଙ୍କୁ ଏହି ଆଉଟ୍‌ଫିଟ୍‌ ଖୁବ୍‌ ମାନୁଥିଲା।

ଐଶ୍ୱର୍ଯ୍ୟା ଜଣେ ଭଲ ଅଭିନେତ୍ରୀ ସହିତ ଜଣେ ଭଲ ଓ ଦାୟିତ୍ୱବାନ୍‌ ମାଆ ମଧ୍ୟ। ଏହି କଥା ବାରମ୍ବାର ପ୍ରମାଣିତ ହୋଇଛି।  ଐଶ୍‌  ପ୍ରାୟ ଯୁଆଡେ ଯାଆନ୍ତି ଝିଅ ଆରାଧ୍ୟାକୁ ସାଙ୍ଗରେ ନେଇ ଯାଆନ୍ତି। ସେ କାନ୍ସକୁ ବି ନିଜ ଝିଅକୁ ନେଇ ଯାଇଥିଲେ।

ରବିବାର ଦିନ ରେଡ୍‌ କାର୍ପେଟ୍‌କୁ ଓହ୍ଲାଇବା ପୂର୍ବରୁ ଝିଅ ଆରାଧ୍ୟାଙ୍କ ସହ ବେଶ୍‌ କିଛି ସମୟ ବିତାଇଥିଲେ। ସେହି ସମୟରେ ଏକ ସୁନ୍ଦର ଫଟୋ ଇନ୍‌ଷ୍ଟାଗ୍ରାମ୍‌ରେ ସେୟାର କରିଛନ୍ତି, ଯେଉଁଥିରେ ମା’ଝିଅ ପରସ୍ପରକୁ କିସ୍‌ କରୁଛନ୍ତି।

ରବିବାର ଧଳା ଓ ସିଲ୍‌ଭର ରଙ୍ଗର Rami Kadi Couture ଗାଉନ୍‌ରେ ଐଶ୍ୱର୍ଯ୍ୟା ବହୁତ୍‌ ଡିସେଣ୍ଟ ଲାଗୁଥିଲେ।

ଏଥରକୁ ମିଶାଇ ଐଶ୍‌ ମୋଟ ୧୭ଥର କାନ୍ସ ଫିଲ୍ମ ଫେସ୍ଟିଭାଲରେ ଅଂଶ ଗ୍ରହଣ କରିସାରିଲେଣି। ଶନିବାର ସେ ପିନ୍ଧିଥିବା ବାଇଗଣି ରଙ୍ଗର ବଟର ଫ୍ଲାଏ ଡ୍ରେସ୍‌ଟି  ୨୦ଫୁଟ୍‌ ଲମ୍ବା ଥିଲା। ଏହି ଦିନ ରେଡ୍‌ କାର୍ପେଟ୍‌ରେ ଐଶ୍‌ଙ୍କ ସହ ତାଙ୍କ ୬ ବର୍ଷର ଝିଅ ଆରାଧ୍ୟାକୁ ବି ଦେଖିବାକୁ ମିଳିଥିଲା।

https://www.instagram.com/p/Biu1BKwFGb7/?taken-by=aishwaryarai_beauti