ମୁମ୍ବାଇ: ଓମ୍ ସିଂହ ଯାଦବ ନାମକ ଜଣେ ବ୍ୟକ୍ତି ଟ୍ୱିଟ୍ କରି ତାପସୀ ପନ୍ନୁଙ୍କୁ ଜଣେ ଶସ୍ତା ଅଭିନେତ୍ରୀ ବୋଲି କହିଥିଲେ। ଏହା ସହିତ ତାଙ୍କ ମାନସିକି ସ୍ଥିତି ଠିକ୍ ନାହିଁ ବୋଲି କହିଥିଲେ। ତେବେ ତାପସୀ ଛାଡ଼ିବା ଯୁବତୀ ନୁହନ୍ତି। ଓମ୍ ସିଂହ ଯାଦବଙ୍କୁ ସେ କଡ଼ା ଜବାବ ଦେଇ ତାଙ୍କ ପାଟି ଚୁପ୍ କରି ଦେଇଛନ୍ତି। ଅବଶ୍ୟ ତାପସୀ ରାଗି ଯାଇ କିଛି ଓଲଟାସିଧା ଲେଖି ନାହାନ୍ତି। ସେ ଖୁବ୍ ମଜାଳିଆ ଢଙ୍ଗରେ ଉକ୍ତ ବ୍ୟକ୍ତିଙ୍କୁ ଜବାବ ଦେଇଛନ୍ତି।
ତାପସୀ ତାଙ୍କ ଉଦ୍ଦେଶ୍ୟରେ ଟ୍ୱିଟ୍ କରି ଲେଖିଛନ୍ତି, ଠିକ୍ ଅଛି ସାର୍, ଆପଣ କେବେ ମୋତେ ଥେରାପି ସେସନ୍ ଦେବେ। ମୁଁ କେମିତି ଦାମୀ ଅଭିନେତ୍ରୀ ହେବି ତାହା ବି କହି ଦିଅନ୍ତୁ। ମୁଁ ବି ତ ଦାମୀ ହେବା ଦରକାର।
Ok sir. When are you giving me therapy sessions ??
And in the bargain also tell how to become an ‘expensive’ actor. Inflation Toh mere mein bhi hona chahiye na 💁🏻♀️ https://t.co/PpcgHM86r3— taapsee pannu (@taapsee) July 17, 2019
ତାପସୀଙ୍କ ଏହି ଟ୍ୱିଟ୍ ତାଙ୍କ ଫ୍ୟାନ୍ଙ୍କ ସହିତ ଅନ୍ୟମାନଙ୍କ ମନକୁ ବି ବେଶ୍ ପାଇଛି। ତାପସୀଙ୍କ ଟ୍ୱିଟ୍ ପଢ଼ିବା ପରେ ଲୋକେ ତାଙ୍କୁ ସମର୍ଥନ କରିବା ସହିତ ଓମ୍ ସିଂହ ଯାଦବଙ୍କୁ ଟ୍ରୋଲ୍ କରିଛନ୍ତି।
ତାପସୀଙ୍କୁ ସମର୍ଥନ କରି ଜଣେ ଟ୍ୱିଟର ବ୍ୟବହାରକାରୀ ଲେଖିଛନ୍ତି, ତାଙ୍କ କଥା ଭୁଲି ଯାଅ ତାପସୀ। ଏମିତି ଲୋକ ବଦଳନ୍ତି ନାହିଁ। ଆପଣ ଜଣେ ବଢ଼ିଆ ଅଭିନେତ୍ରୀ ଓ ଆପଣ ଏହା ଜାଣି ରଖିବା ଉଚିତ୍।
ଏହି ଫ୍ୟାନ୍ଙ୍କୁ ଧନ୍ୟବାଦ୍ ଦେଇ ତାପସୀ ଲେଖିଛନ୍ତି, ଆରେ ମୁଁ ଏଭଳି ଲୋକମାନଙ୍କୁ ବଦଳାଇବାକୁ ଚାହୁଁନାହିଁ। ସେମାନେ ବହୁତ ମଜାଳିଆ। ସେମାନଙ୍କର ଏହି ଗୁଣକୁ ମୁଁ ନଷ୍ଟ କରିଦେବାକୁ ଚାହୁଁନି। ସେମାନେ ବହୁତ କଥା କହନ୍ତି। ସେମାନଙ୍କ କଥାକୁ ଆମେ କେମିତି ଢଙ୍ଗରେ ଗ୍ରହଣ କରିବା, ତାହା ଆମ ଉପରେ ନିର୍ଭର କରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
