ମୁମ୍ବାଇ: ବିବାଦରେ ଫସିଲା କପିଲ ଶର୍ମାଙ୍କ ଶୋ’। ଲୋକଙ୍କୁ ହସି ହସି ବେଦମ କରାଉଥିବା ସୋନି ଟିଭିର ଏହି ଶୋ’ ଏବେ କୋର୍ଟର କାଠଗଡ଼ାକୁ ଟଣା ହୋଇଛି। ‘କମେଡି ନାଇଟ୍ ଉଇଥ୍ କପିଲ’ ଶୋ’ର କେବଳ ଗୋଟିଏ ଏପିସୋଡ୍ ଉପରେ ହିଁ ମାମଲା ହୋଇଛି। ଶୋ’ର ମଞ୍ଚରେ କୋର୍ଟ ରୁମ୍ର ସିନ୍ କରି ସେଠାରେ ମଦ୍ୟପାନର ଦୃଶ୍ୟ ଦେଖାଇବା ଶୋ’ ମେକର୍ସଙ୍କୁ ମହଙ୍ଗା ପଡ଼ିଛି। ଏହା କୋର୍ଟଙ୍କ ଅପମାନ ଦର୍ଶାଇ ମଧ୍ୟପ୍ରଦେଶର ଜଣେ ଓକିଲ ଶିବପୁରୀ ଜିଲ୍ଲା କୋର୍ଟରେ ଏକ ମାମଲା ରୁଜୁ କରିଛନ୍ତି। ଆସନ୍ତା ୧ ତାରିଖରେ ଏହି ମାମଲାର ଶୁଣାଣି ହେବ।
ଜିଲ୍ଲା ମାଜିଷ୍ଟ୍ରେଟଙ୍କ କୋର୍ଟରେ ଓକିଲ ଜଣଙ୍କ ରୁଜୁ କରିଥିବା ମାମଲା ଅନୁଯାୟୀ, ସୋନି ଟିଭିରେ ପ୍ରସାରିତ ହେଉଥିବା କପିଲ ଶର୍ମାଙ୍କ କମେଡି ଶୋ’ ରେ ମହିଳାଙ୍କ ସମେତ ଅନ୍ୟମାନଙ୍କୁ ଆକ୍ଷେପ କରାଯାଉଛି। ଏପରି ମହିଳାଙ୍କ ମର୍ଯ୍ୟାଦାହାନୀ ପରି କମେଣ୍ଟ ବି ଦିଆଯାଉଛି।
ଯେଉଁ ଏପିସୋଡ୍ଟି ବିରୋଧରେ ଅଭିଯୋଗ ଆସିଛି ତାହା ୨୦୨୦ ମସିହା ଜାନୁଆରୀ ୯ ତାରିଖରେ ପ୍ରସାରିତ ହୋଇଥିଲା। ଏହାପରେ ଏହି ଶୋ’ ଗତ ଏପ୍ରିଲ ୨୪ ତାରିଖରେ ପୁନଃ ପ୍ରସାରିତ ହୋଇଥିଲା।
ସୂଚନାଯୋଗ୍ୟ, ଦ୍ୱିତୀୟ ଥର ବାପା ହେବା ପରେ କିଛି ଦିନ ପାଇଁ କପିଲ ଶୋ’ରୁ ବ୍ରେକ ନେବା ପାଇଁ ନିଷ୍ପତ୍ତି ନେଇଥିଲେ। ଏହା ପରେ ଗତ ମେ’ ୧୫ ତାରିଖରୁ ପୁଣି ଥରେ ଶୁଟିଂ ଆରମ୍ଭ କରିଥିବା ବେଳେ ଜୁଲାଇ ୨୧ରୁ ଶୋ’ ପୁଣିଥରେ ଅନ୍ ଏୟାର ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
